୫ ସେକେଣ୍ଡ ପୂର୍ବରୁ ସ୍ଥଗିତ ରହିଲା ଗଗନଯାନର ପରୀକ୍ଷଣ, ଖୁବଶୀଘ୍ର ଟେଷ୍ଟିଂ ନେଇ ଘୋଷଣା

ଅମରାବତୀ: ବୈଷୟିକ ତ୍ରୁଟି ପାଇଁ ସ୍ଥଗିତ ରହିଲା ଗଗନଯାନ ପରୀକ୍ଷଣ  । କାଉଣ୍ଟଡାଉନ ଚାଲିଥିବା ବେଳେ ଅଟକିଲା ମିଶନ  । ଶେଷ ୫ ସେକେଣ୍ଡ ପୂର୍ବରୁ କରାଗଲା ବାତିଲ  । ଏନେଇ ସୂଚନା ଦେଲେ ଇସ୍ରୋ ଅଧ୍ୟକ୍ଷ  । ଖୁବଶୀଘ୍ର ଟେଷ୍ଟିଂ ନେଇ ଘୋଷଣା କରାଯିବ  ।

ଆଜି ସକାଳ ୮ଟାରେ ହେବ ଏହାର ପ୍ରଥମ ପରୀକ୍ଷଣ ହୋଇଥାନ୍ତା । ଆନ୍ଧ୍ରପ୍ରଦେଶ ସ୍ଥିତ ଶ୍ରୀହରିକୋଟା ଲଞ୍ଚିଂ ପ୍ୟାଡରୁ ପ୍ରଥମ ପରୀକ୍ଷଣ କରାଯିବାକୁ ଥିଲା । ଅନ୍ତରୀକ୍ଷକୁ ମଣିଷକୁ ପଠାଇବା ପୂର୍ବରୁ ଇସ୍ରୋ ଗଗନୟାନ ମିଶନର ଟେଷ୍ଟ କରିବାକୁ ଯାଉଛି । ଏହି ମିଶନରେ ୩ ଜଣଙ୍କୁ ୪୦୦ କିମି କକ୍ଷ ପଥକୁ ପଠାଯିବ । ଯାହାକି ୩ଦିନ ପର୍ଯ୍ୟନ୍ତ ଚାଲିବ । ପରେ ସମସ୍ତଙ୍କୁ ସୁରକ୍ଷିତ ଭାବେ ଅଣାଯିବ । ଏହି ମିଶନର ଲ୍ୟାଣ୍ଡିଂ ସମୁଦ୍ର ମଧ୍ୟରେ କରାଯିବ ।

ଉତକ୍ଷେପଣର ୬୦ ସେକେଣ୍ଡ ପରେ ପରୀକ୍ଷଣ ଯାନ  ଏକ୍ସପୋର୍ଟ ସିଷ୍ଟମ ସହିତ ୧୧.୭ କିମି ଉଚ୍ଚତା ଉପରେ ବାହନଠାରୁ ଅଲଗା ହୋଇଯିବ ।  ଆଗାମୀ ୩୦ ସେକେଣ୍ଡ ପରେ ସିଇଏମ-ସିଏଏସ ୧୪୮.୭ ମିଟର ସେକେଣ୍ଡ ବେଗରେ ୧୬.୭ କିମି ଉଚ୍ଚତା ଉପରେ ଅଲଗା ହୋଇଯିବ । ଏନେଇ ଇସ୍ରୋ ପକ୍ଷରୁ ସୂଚନା ଦିଆଯାଇଛି ।