ବିଶ୍ବକପରେ କମାଲ କରୁଛନ୍ତି ୨୦୦୮ ଅଣ୍ଡର-୧୯ ଟିମର ଖେଳାଳି, ଜାଣନ୍ତୁ କିଏ କେଉଁ ଦଳରେ ଅଛନ୍ତି

ନୂଆଦିଲ୍ଲୀ: ଭାରତରେ ଚାଲିଛି ଆଇସିସି ବିଶ୍ବକପ ୨୦୨୩ । ସମସ୍ତ ଦଳ ଏବେ ଦମଦାର ପ୍ରଦର୍ଶନରେ କରୁଥିବାବେଳେ ମ୍ୟାଚ ଗୁଡ଼ିକ ରୋମାଞ୍ଚକ ହେଉଛି । ତେବେ ୨୦୦୮ ଅଣ୍ଡର-୧୯ ଦଳରେ ଥିବା ଖେଳାଳିମାନେ ଏବେ ଭଲ ପ୍ରଦର୍ଶନ କରୁଛନ୍ତି । ତେବେ ଆସନ୍ତୁ ନଜର ପକାଇବା ଏହିସବୁ ଖେଳାଳିଙ୍କ ଉପରେ ।

ବିରାଟ କୋହଲି: ଭାରତୀୟ କ୍ରିକେଟ ଦଳର ନିର୍ଭରଯୋଗ୍ୟ ବ୍ୟାଟ୍ସମ୍ୟାନ ବିରାଟ କୋହଲି ୨୦୦୮ ଅଣ୍ଡର-୧୯ ବିଶ୍ବକପ ଦଳରେ ଟିମ ଇଣ୍ଡିଆର ଅଧିନାୟକ ଥିଲେ । ବିରାଟଙ୍କ ନେତୃତ୍ବରେ ଦଳ ଚାମ୍ପିୟନ ହୋଇଥିଲା । ଏହି ଟୁର୍ଣ୍ଣାମେଣ୍ଟରେ ସେ ଦମଦାର ପ୍ରଦର୍ଶନ କରିବା ସହ ଲୋକଲୋଚନକୁ ଆସିଥିଲେ ।

ଷ୍ଟିଭ୍ ସ୍ମିଥ୍: ଅଷ୍ଟ୍ରେଲିଆ କ୍ରିକେଟ ଟିମର ଭରସାଯୋଗ୍ୟ ବ୍ୟାଟ୍ସମ୍ୟାନ ଷ୍ଟିଭ୍ ସ୍ମିଥ ୨୦୦୮ ଅଣ୍ଡର-୧୯ ବିଶ୍ବକପ ଦଳର ସଦସ୍ୟ ଥିଲେ । ଏଥର ସେ ତୃତୀୟଥର ପାଇଁ ବିଶ୍ବକପ ଖେଳୁଛନ୍ତି ।

କେନ୍ ଓ୍ବିଲିୟମସନ: ନ୍ୟୁଜିଲାଣ୍ଡ ଦଳର ପୂର୍ବତନ ଅଧିନାୟକ କେନ୍ ଓ୍ବିଲିୟମସନ ଆହତ କାରଣରୁ ଏବେ ବିଶ୍ବକପ ଖେଳୁନାହାନ୍ତି । କିନ୍ତୁ ସେ ବିଶ୍ବକପରେ ନ୍ୟୁଜିଲାଣ୍ଡ ଦଳର ସଦସ୍ୟ ଅଛନ୍ତି । ସୁସ୍ଥ ହେବା ପରେ ଦଳରେ ସାମିଲ ହେବେ ।

ରବିନ୍ଦ୍ର ଜାଡେଜା: ଭାରତୀୟ ଦଳର ପ୍ରତିଭାବାନ ଅଲରାଉଣ୍ଡର ରବିନ୍ଦ୍ର ଜାଡେଜା ଏବେ ବିଶ୍ବକପରେ ଦମଦାର ପ୍ରଦର୍ଶନ କରୁଛନ୍ତି । ବିରାଟଙ୍କ ସହ ୨୦୦୮ ଅଣ୍ଡର-୧୯ ବିଶ୍ବକପରେ ସେ ଭାରତୀୟ ଦଳର ସଦସ୍ୟ ଥିଲେ ।

ମାର୍କସ ଷ୍ଟୋଇନିସ୍: ଅଷ୍ଟ୍ରେଲିଆର ଅଲଣାଉଣ୍ଡର ଷ୍ଟୋଇନିସ ୨୦୦୮ ଅଣ୍ଡର-୧୯ରେ ଦମଦାର ପ୍ରଦର୍ଶନ କରିଥିବାବେଳେ ଚଳିତ ବିଶ୍ବକପରେ ଅଷ୍ଟ୍ରେଲିଆ ଦଳରେ ରହିଛନ୍ତି ।

ହାଜେଲ ହୁଡ୍: ଅଷ୍ଟ୍ରେଳିଆର ଦୃତ ବୋଲର ହାଜେଲ ହୁଡ୍ ୨୦୦୮ ଅଣ୍ଡର-୧୯ ବିଶ୍ବକପ ଦଳରେ ଥିବାବେଳେ ଏବେ ବିଶ୍ବକପ ୨୦୨୩ ଦଳରେ ମଧ୍ୟ ଖେଳୁଛନ୍ତି ।

କ୍ରିସ୍ ଓ୍ବକ୍ସ: ଇଂଲଣ୍ଡର ଦୃତ ବୋଲର କ୍ରିସ ଓ୍ବକ୍ସ ୨୦୦୮ ଅଣ୍ଡର-୧୯ ବିଶ୍ବକପ ଦଳରେ ଥିବାବେଳେ ଏବେ ବିଶ୍ବକପ ୨୦୨୩ ଖେଳୁଛନ୍ତି । ତେବେ ୨୦୧୯ ବିଶ୍ବକପରେ ଇଂଲଣ୍ଡ ଚାମ୍ପିୟନ ହେବାରେ ତାଙ୍କର ମଧ୍ୟ ଗୁରୁତ୍ବପୂର୍ଣ୍ଣ ଭୂମିକା ରହିଛି ।

ଟ୍ରେଣ୍ଡ ବୋଲ୍ଟ ଏବଂ ଟିମ୍ ସାଉଥୀ: ନ୍ୟୁଜିଲାଣ୍ଡର ଦୁଇ ଦୃତ ବୋଲର ଟ୍ରେଣ୍ଡ ବୋଲ୍ଟ ଏବଂ ଟିମ୍ ସାଉଥୀ ମଧ୍ୟ ଏହି ଲିଷ୍ଟରେ ଆସୁଛନ୍ତି ।

ରେଜା ହେଣ୍ଡିକ୍ସ: ଦକ୍ଷିଣ ଆଫ୍ରିକାର ଧୂଆଁଧାର ବ୍ୟାଟ୍ସମ୍ୟାନ ରେଜା ହେଣ୍ଡିକ୍ସ ୨୦୦୮ ଅଣ୍ଡର-୧୯ ବିଶ୍ବକପ ଦଳରେ ଥିବାବେଳେ ଏବେ ବିଶ୍ବକପ ୨୦୨୩ ଦଳରେ ମଧ୍ୟ ଖେଳୁଛନ୍ତି ।