ମାଉଣ୍ଟ କୁନରେ ହିମସ୍ଖଳରେ ଫସିଲେ ଭାରତୀୟ ସେନାର ପର୍ବତାରୋହୀ, ଜଣେ ଯବାନ ମୃତ

ଲଦ୍ଦାଖ: ଲଦ୍ଦାଖର ମାଉଣ୍ଟ କୁନୋ ପାଖରେ ସୋମବାର ଅର୍ଥାତ ୯ ଅକ୍ଟୋବରରେ ସେନାର ଏକ ଗ୍ରୁପ ହିମସ୍ଖଳନର ଶିକାର ହୋଇଛନ୍ତି । ଟ୍ରେନିଂ ସମୟରେ ହିମସ୍ଖଳନ ଆସିବାରୁ ଯବାନମାନେ ଏଥିରେ ଫସିଯାଇଛନ୍ତି । ତେବେ ଏଥିରେ ଜଣେ ଯବାନଙ୍କ ମୃତ୍ୟୁ ହୋଇଯାଇଛି, ସେହିପରି ଅନ୍ୟ ତିନିଜଣ ନିଖୋଜ ଅଛନ୍ତି ।  ଅଧିକାରୀଙ୍କ କହିବା ଅନୁସାରେ ହାଇ ଆଲ୍ଟିଚ୍ୟୁଡ ୱାରଫେୟାର ସ୍କୁଲ ଏବଂ ସେନାର ଆର୍ମି ଆଡଭେଞ୍ଚର୍ସ ୱିଙ୍ଗର ପ୍ରାୟ ୪୦ ସେନା ଯବାନଙ୍କ ଏକ ଗ୍ରୁପର ଲଦ୍ଦାଖରେ ମାଉଣ୍ଟ କୁନ ପାଖରେ ପ୍ରଶିକ୍ଷଣ ଚାଲିଥିଲା । ଏହି ଅବସରରେ ହିମସ୍ଖଳନ ହୋଇଥିଲା । ଦୁର୍ଘଟଣାର ତୁରନ୍ତ ପରେ ଉଦ୍ଧାର କାର୍ଯ୍ୟ ଜାରି କରାଯାଇଥିଲା, ଯାହା କି ଏବେ ବି ଜାରି ରହିଛି । ଜଣେ ଯବାନଙ୍କ ଶବ ଉଦ୍ଧାର କରାଯାଇଛି । ଅନ୍ୟ ୩ ନିଖୋଜ ଯବାନଙ୍କ ତଲାସ ଜାରି ରହିଛି । ଉଲ୍ଲେଖଯୋଗ୍ୟ, ଏହା ପୂର୍ବରୁ ୪ ଅପ୍ରେଲରେ ସିକ୍କିମର ରାଜଧାନୀ ଗ୍ୟାଙ୍ଗଟକରେ ହିମସ୍ଖଳନ ହୋଇଥିଲା । ଏଥିରେ ୭ ଟୁରିଷ୍ଟଙ୍କ ମୃତ୍ୟୁ ହୋଇଯାଇଥିଲା ।