ବିପଦରେ ଶାଗୁଆନ ଜଙ୍ଗଲ

ମୟୂରଭଞ୍ଜ: ମୟୂରଭଞ୍ଜ ଜିଲ୍ଲା କରଞ୍ଜିଆ ଉପଖଣ୍ଡରେ ମାତିଛନ୍ତି ଅଜଣା ପୋକ। ଶାଗୁଆନ ପତ୍ରକୁ ଖାଇ ଗଛ ଥୁଣ୍ଟା କରିଦେଉଛନ୍ତି । ଗୋଟେ କି ଦିଟା ନୁହଁ ପୁରା ଜଙ୍ଗଲକୁ ସଫା କରି ଦେଉଛନ୍ତି ଅଜଣା ପୋକ। ବିପଦରେ ଶାଗୁଆନ ଜଙ୍ଗଲ । କରଞ୍ଜିଆ ଉପଖଣ୍ଡରେ ମାତିଛନ୍ତି ଅଜଣା ପୋକ । ସଫା କରିଦେଲେଣି ଶାଗୁଆନ ଗଛ । ସବୁ ଗଛ ଥୁଣ୍ଟା  ।  ଅନ୍ୟ ଗଛକୁ କିଛି କ୍ଷତି କରୁନାହାନ୍ତି ପୋକ । ତିନି ଚାରି ଦିନ ଭିତରେ ପୁରା ଜଙ୍ଗଲ ଥୁଣ୍ଟା କରିଦେଉଛନ୍ତି ପୋକ । ଜଙ୍ଗଲରେ ଅଗ୍ନିକାଣ୍ଡ ଘଟିବା ଭଳି ଭ୍ରମ ସୃଷ୍ଟି ହେଉଛି ।

ଏତେ ପରିମାଣର ପୋକ ହୋଟାତ କୋଉଁଠୁ ଅସିଲେ ?  କେବଳ ଶାଗୁଆନ ପତ୍ରକୁ ହିଁ କାହିଁକି ଖାଉଛନ୍ତି ? କୋଉ ପ୍ରଜାତିର ଏହି ପୋକ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ବର୍ଷା ଦିନରେ ସାଧାରଣତ ଶାଗୁଆନ୍ ଗଛର ପତ୍ର ହଳଦୀଆ ହୋଇ ନଥାଏ । କି ପତ୍ର ଝଡ଼ା ଦେଈ ନଥାଏ । ସବୁଜ ସୁନ୍ଦର ହୋଇଥାଏ ଗଛ। କିନ୍ତୁ ଏ ପୋକ ଏମିତି ଭାବରେ ପତ୍ରକୁ ଖାଉଛନ୍ତି ଯେ ଜଙ୍ଗଲ ପୂରା ଲଣ୍ଡା ହୋଇଯାଉଛି  । ଘର ପାଖରେ ଥିବା ଶାଗୁଆନ ଗଛରୁ ଘରକୁ ପୋକ ସବୁ ଚାଲିଆସୁଛନ୍ତି ।