ଆଜିଠୁ ବାଲେଶ୍ବର ଭଦ୍ରକ ମଧ୍ୟରେ ଗଡିଲା ବ୍ୟାଟେରୀ ଚାଳିତ ଶୀତତାପ ନିୟନ୍ତ୍ରିତ ବସ
1 min read
ବାଲେଶ୍ବର: ଗଡ଼ିଲା ବ୍ୟାଟେରୀ ଚାଳିତ ବସ୍ । ଆଜି ଠାରୁ ବାଲେଶ୍ବର-ଭଦ୍ରକ ଅର୍ବାନ ଟ୍ରାନ୍ସପୋର୍ଟ ଟ୍ରଷ୍ଟ ତରଫରୁ ବାଲେଶ୍ବର ଜିଲ୍ଲାରେ ପ୍ରଥମ ଥର ବ୍ୟାଟେରୀ ଚାଳିତ ଶୀତତାପ ନିୟନ୍ତ୍ରିତ ବସ ଚାଲିଛି । ବିଧାୟକ ସ୍ବରୂପ ଦାସ, ପୌରାଧ୍ୟକ୍ଷା ସବିତା ସାହୁ, ଜିଲ୍ଲାପାଳ ପତାକା ଦେଖାଇ ବସ୍ ଯାତ୍ରାର ଶୁଭାରମ୍ଭ କରିଥିଲେ । ଏହି ବସ୍ କ୍ଷୀରଚୋରା ମନ୍ଦିର ଠାରୁ ଚାନ୍ଦିପୁର ରୁଟ୍ରେ ଯିବା ଆସିବା କରିବ ।
ପରବର୍ତ୍ତୀ ସମୟରେ ଅନ୍ୟ ୪ଟି ବସ୍କୁ ମଧ୍ୟ ବିଭିନ୍ନ ରୁଟ୍ରେ ଘରୋଇ ସଂସ୍ଥା ଦ୍ବାରା ପରିଚାଳନା କରାଯିବ ବୋଲି ସ୍ଥିର ହୋଇଛି । ଏହି ବସ୍ ଶୀତତାପ ନିୟନ୍ତ୍ରିତ ଥିବାବେଳେ କମ୍ ଟିକେଟ୍ ଖର୍ଚ୍ଚରେ ଯାତ୍ରୀମାନେ ଏହି ସେବା ପାଇପାରିବେ ବୋଲି କୁହାଯାଇଛି । 5T କାର୍ଯ୍ୟକ୍ରମ ମାଧ୍ୟରେ ବାଲେଶ୍ବର-ଭଦ୍ରକ ଜିଲ୍ଲା ମଧ୍ୟରେ ଏହି ସେବା ଆରମ୍ଭ କରାଯିବାକୁ ଟ୍ରଷ୍ଟ ତରଫରୁ ଯୋଜନା କରାଯାଇଛି ।
