ଚିକିତ୍ସା କ୍ଷେତ୍ରରେ ଦୂର ହେବ ସମସ୍ୟା, ରୋଗୀଙ୍କୁ ମିଳିବ ଅତ୍ୟାଧୁନିକ ସେବା

ରାଉରକେଲା: ଚିକିତ୍ସା କ୍ଷେତ୍ରରେ ଦୂର ହେବ ସମସ୍ୟା । ରୋଗୀଙ୍କୁ ମିଳିବ ଅତ୍ୟାଧୁନିକ ସେବା । ଅଭିଜ୍ଞ ଡାକ୍ତରଙ୍କୁ ନେଇ ଆଲୋଚନା । ଇଣ୍ଡିଆନ ଆସୋସିଏସନ୍ ଅଫ ପ୍ୟାଥୋଲୋଜିଷ୍ଟ ଆଣ୍ଡ ମାଇକ୍ରୋବାୟୋଲୋଜିଷ୍ଟ ଓଡିଶା ଅଧ୍ୟାୟର ୫୧ ତମ ବାର୍ଷିକ ରାଜ୍ୟ ସମ୍ମିଳନୀରେ ମାନସମନ୍ଥନ । ରାଉରକେଲା ଜୟ ପ୍ରକାଶ ହସ୍ପିଟାଲରେ ଆୟୋଜିତ ଦୁଇଦିନିଆ ସମ୍ମିଳନୀରେ ବହୁ ରାଜ୍ୟ ଓ ରାଜ୍ୟ ବାହାରର ବହୁ ବିଶେଷଜ୍ଞ ଡାକ୍ତର, ପ୍ରଫେସର ଓ ପିଜି ଷ୍ଟୁଡେଣ୍ଟ ଯୋଗ ଦେଇଥିଲେ ।

ସମ୍ମିଳନୀର ୧୧ ଟି ଅଧିବେଶନରେ ବିଭିନ୍ନ ପ୍ରସଙ୍ଗ ନେଇ ହୋଇଛି ଆଲୋଚନା । ରାଜ୍ୟର ବିଭିନ୍ନ ହସ୍ପିଟାଲର ଉନ୍ନତି ପାଇଁ ରାଜ୍ୟ ସରକାର ସହାୟତା ଯୋଗାଇ ଦେଉଥିବାରୁ ମୁଖ୍ୟମନ୍ତ୍ରୀଙ୍କୁ ଜଣାଇଛନ୍ତି ଧନ୍ୟବାଦ । ୟୁରୋପ୍ୟାଥୋଲୋଜି, ହେମାଟୋପ୍ୟାଥଲୋଜୀ, ଏ-ଓ୍ବାନ ଓ ଡିଜିଟାଲ ପ୍ୟାଥଲୋଜୀ, ବେଷ୍ଟ ଅଫ ସ୍ଲାଇଡ, ପେପର ଏବଂ ପୋଷ୍ଟର ଲ୍ୟାଵରେ ଗୁଣବତ୍ତା ଓ ନିରାପତ୍ତା, ପ୍ୟାଥୋପ୍ରେନର ସମସ୍ୟା ଗୁଡିକର ସମାଧାନ ସମ୍ପର୍କରେ ଆଲୋଚନା କରାଯାଇଥିଲା ।

ଏହି ରାଜ୍ୟ ସମ୍ମିଳନୀ ଅବସରରେ ପ୍ୟାଥୋଲୋଜି କ୍ଷେତ୍ରରେ ଯୁଵ ଡାକ୍ତରଙ୍କୁ ଶିକ୍ଷା ପ୍ରଦାନ କରିଵା ସହ ରୋଗୀମାନଙ୍କୁ ଜରୁରୀକାଳୀନ ଯତ୍ନ, ପ୍ରତିଶୋଧକ ଔଷଧ, ଡାଇଗ୍ଲୋଷ୍ଟିକ ପଦ୍ଧତି, ଅସ୍ତ୍ରୋପଚାର, ଓ ସେମାନଙ୍କ ଚିକିତ୍ସା ପାଇଁ ଆବଶ୍ୟକ ଔଷଧ ପ୍ରଦାନ କରିଵା ସମ୍ପର୍କରେ ଟିପ୍ସ ଦେଇଥିଲେ ବିଶେଷଜ୍ଞ । ବୈଜ୍ଞାନିକ ଏକାଡେମୀ ଅଧିବେଶନ ପାଥୋଲୋଜି କ୍ଷେତ୍ରରେ ଯୁଵ ଡାକ୍ତରମାନଙ୍କୁ ଅଧିକ ଲାଭ ଦେବ ବୋଲି କହିଛନ୍ତି ଡାକ୍ତର ।