୨୯ ଲକ୍ଷ ଟଙ୍କା ଠକେଇ ଅଭିଯୋଗରେ ଜମି ମାଲିକ ଗିରଫ

ବାଙ୍କୀ: ୨୯ ଲକ୍ଷ ଟଙ୍କା ଠକେଇ ଅଭିଯୋଗରେ ଜମି ମାଲିକ ଗିରଫ । ଜମି ଦେବାକୁ କହି ବାରଙ୍ଗ ଥାନା ମଧୁପୁରର ସୁରେଶ ଚନ୍ଦ୍ର ସାହୁ ଟଙ୍କା ଠକିଥିବା ଅଭିଯୋଗ ହୋଇଥିଲା ।

ଅଭିଯୋଗ ଅନୁସାରେ, ସୁରେଶ ୨୦୧୯ ମସିହାରେ କଟକ ଶଙ୍କରପୁରର ପିଙ୍କି ପ୍ରଧାନଙ୍କଠାରୁ ୨୯ ଲକ୍ଷ ଟଙ୍କା ନେଇଥିଲେ । ପ୍ରଥମେ ୨୪ ଲକ୍ଷ ଟଙ୍କାର ଚେକ୍ ଆକାରରେ ନେଇଥିଲେ । ଏହାର କିଛି ଦିନ ପରେ ଆଉ ୫ ଲକ୍ଷ ଟଙ୍କା ନେଇଥିଲେ । ହେଲେ ପିଙ୍କିଙ୍କୁ ଜମି ଦେବା ବଦଳରେ ଅନ୍ୟ ଜଣଙ୍କୁ ବିକ୍ରି କରିଦେଇଥିଲେ । ଫଳରେ ପିଙ୍କି ଟଙ୍କା ଫେରସ୍ତ ମାଗିଥିଲେ । ସୁରେଶ ଟଙ୍କା ଫେରାଇବା ବଦଳରେ ତାଙ୍କ ଅଫିସରେ ପଶି ଭଙ୍ଗାରୁଜା କରିଥିଲେ । ଏନେଇ ପିଙ୍କି ବାରଙ୍ଗ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ସରେଶଙ୍କୁ ଗିରଫ କରିଛି ।