ସୂର୍ଯ୍ୟ ମିଶନ: L1 ପଏଣ୍ଟ କଣ? କାହିଁକି ଏଠାରେ ଅବସ୍ଥାପିତ ହେବ ଆଦିତ୍ୟ L1
1 min read
ନୂଆଦିଲ୍ଲୀ: L1 ପଏଣ୍ଟ କଣ । କାହିଁକି ଏଠାରେ ଅବସ୍ଥାପିତ ହେବ ଆଦିତ୍ଯ L1 । ଏହି ପ୍ରଶ୍ନ ସମସ୍ତଙ୍କ ନିକଟରେ ଜାତ ହେବା ସ୍ବାଭାବିକ। ଦୁଇଟି ବୃହତ ବସ୍ତୁ ମଝିରେ ସବୁଠାରୁ କମ୍ ଆକର୍ଷଣ ଶକ୍ତି ଥିବା ଅଞ୍ଚଳ ହେଉଛି L1 । L1 ସ୍ଥାନରେ ସ୍ପେସକ୍ରାଫ୍ଟ ରହିଲେ ଇନ୍ଧନ ଖର୍ଚ୍ଚ କମ୍ ହୁଏ। ଇଟାଲୀୟ ଗଣିତଜ୍ଞ ଯୋଶଫ ଲୁଇ ଲାଗରେଞ୍ଜଙ୍କ ନାମାନୁସାରେ ଏହା ନାମିତ।
ପାଞ୍ଚ ପ୍ରକାର ଲାଗରେଞ୍ଜ ପଏଣ୍ଟ ରହିଛି । ସେଗୁଡିକ ହେଲା- L1, L2, L3, L4, ଓ L5 । ନାସାର ଜେମସ ଓ୍ବେବ ସ୍ପେସ ଟେଲିସ୍କୋପ ରହିଛି L2ରେ । ଭାରତର ଆଦିତ୍ୟ ରହିବ L1ରେ । ସାରା ସୌରମଣ୍ଡଳକୁ ସୂର୍ଯ୍ୟ ନିୟନ୍ତ୍ରିତ କରୁଥିବାବେଳେ ପ୍ରତି ଗ୍ରହର ଜଳବାୟୁ ଓ ପରିବେଶ ସୂର୍ଯ୍ୟ ଦ୍ବାରା ନିୟନ୍ତ୍ରିତ ହୋଇଥାଏ । ସୌର ଜଳବାୟୁରେ ପରିବର୍ତ୍ତନ ହେଲେ ସାଟେଲାଇଟ ଉପରେ ପଡିଥାଏ ପ୍ରଭାବ । ପାଓ୍ବାର ବ୍ଲାକଆଉଟ ହେବା ସହ ଇଲେକ୍ଟ୍ରୋନିକ୍ସ ଯନ୍ତ୍ରପାତି ନଷ୍ଟ ହୋଇଯାଇଥାଏ । L1 ପଏଣ୍ଟ ଏସବୁ ଦୃଷ୍ଟିରୁ ଗୁରୁତ୍ବପୂର୍ଣ୍ଣ ହୋଇଥାଏ। L1 ଦେଇ ସୂର୍ଯ୍ୟରୁ ସୃଷ୍ଟି ସମସ୍ତ ଝଡ଼ ପୃଥିବୀକୁ ଯାଇଥାଏ । ତେଣୁ L1 ପଏଣ୍ଟରେ ମୁତୟନ ଆଦିତ୍ୟ L1 ପୃଥିବୀର ବୈଜ୍ଞାନିକମାନଙ୍କୁ ସମସ୍ତ ତଥ୍ୟ ଦେଇପାରିବ।
