ପ୍ରତିଶ୍ରୁତି ରଖିଲେ 5T ସଚିବ, ୧୧୬ଟି ପ୍ରକଳ୍ପକୁ ଅନୁମୋଦନ

ଚାନ୍ଦବାଲି: ଚାନ୍ଦବାଲି ଗସ୍ତ ବେଳେ ବିଭିନ୍ନ ପ୍ରକଳ୍ପ ନେଇ 5T ସଚିବଙ୍କ ନିକଟରେ ଦାବି କରିଥିଲେ। ଯାହାକୁ ଅନୁମୋଦନ କରିଛନ୍ତି 5T ସଚିବ ଭି.କେ ପଣ୍ଡିଆନ। ଚାନ୍ଦବାଲି ବାସୀଙ୍କ ପକ୍ଷରୁ 5T ସଚିବଙ୍କୁ ମୋଟ ୧୭୩ଟି ପ୍ରକଳ୍ପର ଅନୁମୋଦନ ପାଇଁ ଆବେଦନ କରାଯାଇଥିଲା। ସେଥିମଧ୍ୟରୁ ୧୧୬ଟି ପ୍ରକଳ୍ପ ଅନୁମୋଦନ ହୋଇଥିବା ବେଳେ ବଳକା ୫୭ଟି ପ୍ରକଳ୍ପକୁ ଖୁବଶୀଘ୍ର ଅନୁମୋଦନ କରାଯିବ।

ପ୍ରାଥମିକ ପର୍ଯ୍ୟାୟରେ ୧୧୬ଟି ପ୍ରକଳ୍ପ ପାଇଁ ୩କୋଟି ୭୩ ଲକ୍ଷ ଏବଂ ଚାନ୍ଦବାଲି ବ୍ଲକର ସମସ୍ତ କଲେଜ ପାଇଁ ୫କୋଟି ୫୦ ଲକ୍ଷ ଟଙ୍କା ଅନୁମୋଦିତ ହୋଇଛି। ବ୍ଲକ ସଭାଗୃହରେ ଅନୁଷ୍ଠିତ ଏକ ସଭାରେ ଅନୁମୋଦିତ ପ୍ରକଳ୍ପ ଗୁଡିକର ସ୍ୱୀକାର ପତ୍ର ଚନ୍ଦବାଲି ବିଧାୟକ ସମସ୍ତ ଆବେଦନ କାରୀଙ୍କୁ ବଣ୍ଟନ କରିଥିଲେ। ପ୍ରକଳ୍ପକୁ ଅନୁମୋଦନ ପରେ ମୁଖ୍ୟମନ୍ତ୍ରୀ ଓ 5T ସଚିବଙ୍କୁ ଧନ୍ୟବାଦ ଜଣାଇଛନ୍ତି ଜନତା।