ମଣିଷ ମୁଣ୍ଡଧାରି ମାଛର ଭିଡିଓ ସୋସିଆଲ୍ ମିଡିଆରେ ଭାଇରାଲ୍

ଚୀନ୍ : ‘ମଣିଷ ମୁଣ୍ଡଧାରି ମାଛ’ । କଥାଟି ସାମାନ୍ୟ ମନଗଢା, କିମ୍ବା ଅବିଶ୍ୱାସ ଭଳି ମନେହେଉ ଥାଇପାରେ ।  କିନ୍ତୁ ଏହାର ଚିତ୍ରକୁ ନଦେଖିଲେ ବିଶ୍ୱାସ କରିହେବ ନାହିଁ । ଏହା ସତ ଓ ବାସ୍ତବ ।

ଚୀନର ମିଆଓ ଗାଁରେ ଗତ ୮ ତାରିଖ ଶୁକ୍ରବାର ଦିନ ଏହି ଅସାଧାରଣ ମାଛର ଠାବ କରାଯାଇଥିଲା । ଏହି ମାଛଟିର ମୁଣ୍ଡ ଦେଖିବାକୁ ଠିକ୍ ମଣିଷ ଆକୃତିର ମୁଣ୍ଡଭଳି । ଲୋକପ୍ରିୟ ବ୍ଲଗର ଫିଡେନଙ୍କ ଭିଡିଓ ଅନୁଯାୟୀ, ଏହି ଅସାଧାରଣ ପ୍ରାଣୀର ଠାବ କୁନମିଂ ସହରର ଜଣେ ପର୍ଯ୍ୟଟକଙ୍କ ଦ୍ୱାରା କରାଯାଇଥିଲା । ସେ ଏହାକୁ ପ୍ରଥମେ ଏକ ଗାଁ ପୋଖରୀରେ ପହଁରୁଥିବାର ଦେଖିଥିଲେ। ଠିକ୍ ମଣିଷ ଶରୀରରେ ଥିବା ୨ଟି ଆଖି, ନାକ ଓ ପାଟି ଭଳି ମାଛଟିରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଥିଲା । ଫେସବୁକ ଓ ୟୁଟ୍ୟୁବରେ ପ୍ରାୟ ୪୦ ଲକ୍ଷ ଲୋକ ଏହାକୁ ମାତ୍ର କିଛି ଘଣ୍ଟା ମଧ୍ୟରେ ଦେଖିସାରିଲେଣି ।

ଏହା ଅଲୌକିକ ଲାଗିଲେ ମଧ୍ୟ ସତ୍ୟ । ଏହି ମାଛଟିର କଜ୍ଜଳ ଟଣା ଆଖି, ନାକ ଫୋଡା ଶଦୃସ କଳା ଦାଗ ଓ ଏକ ବଡ଼ ପାଟି ରହିଛି ।ଏହାସହ କାନ ରେ ଯେଉଁ ଛାୟା ରହିଛି ଯାହା ଦେଖିବାକୁ ଏକଦମ୍ ମଣିଷ ମୁହଁ ପରି । ଯେ କେହି ବି ତାକୁ ଦେଖି ଚମକି ପଡ଼ିବା ସ୍ୱାଭାବିକ କଥା । ')}