ମାଲାକାନଗିରିରେ ଯୋଗାଯୋଗ ବିଚ୍ଛିନ୍ନ, ଜାତୀୟ ରାଜପଥରେ ଅଟକିଛି ଗାଡି ମୋଟର

ମାଲକାନଗିରି: ମୋଟୁ 326 ନମ୍ବର ଜାତୀୟ ରାଜପଥରେ MV- 96 ଓ କୋକରକୋଣ୍ଡା ପୋଲ ବୁଡ଼ିଲା । ପୋଲ ଉପରେ ଚାଲିଛି ୨ ରୁ ୩ ଫୁଟ ପାଣି । ପୋଲର ଉଭୟ ପାର୍ଶ୍ବରେ ଅନେକ ଗାଡିମୋଟର ଅଟକି ରହିଛି । ଫଳରେ ମାଲକାନଗିରି ସହ କାଲିମେଳା ବ୍ଳକ, ଏମଭି-୭୯,ମୋଟୁକୁ ଯୋଗାଯୋଗ ବନ୍ଦ ରହିଛି । ପୋଲ ପାଖରେ ପୋଲିସ ପ୍ରଶାସନ ସଜାଗ ରହିଛି ।

ଚଳିତ ମୌସୁମୀ ସିଜିନର ପ୍ରଥମ ଅବପାତ ଘନୀଭୁତ ହେବା ପରେ  ପଶ୍ଚିମ-ଉତ୍ତର-ପଶ୍ଚିମ ଦିଗରେ ଗତିକରି ଉତ୍ତର ଆନ୍ଧ୍ରପ୍ରଦେଶ ଏବଂ ଦକ୍ଷିଣ ଓଡ଼ିଶା ଦେଇ ଗତି କରିବ ।  ଦକ୍ଷିଣ ଆଭ୍ୟନ୍ତରୀଣ ଓଡିଶାରେ ପ୍ରବଳ ବର୍ଷା ସମ୍ଭାବନା ରହିଛି । ଅତିପ୍ରବଳ ବର୍ଷା ନେଇ ମାଲକାନଗିରି, କୋରାପୁଟ, ନବରଙ୍ଗପୁର, ନୂଆପଡା ଏବଂ କଳାହାଣ୍ଡି ଜିଲ୍ଲାକୁ ଅରେଞ୍ଜ ଓ ୭ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ।

କେତେକ ସ୍ଥାନରେ ୭୦ରୁ ୨ଶହ ମିଲିମିଟର ବର୍ଷା ସମ୍ଭାବନା ରହିଛି । ଘଣ୍ଟାପ୍ରତି ୪୫ରୁ ୫୫ କିଲୋମିଟର ବେଗରେ ପବନ ବହିପାରେ । ୨୭ତାରିଖ ଯାଏଁ ମତ୍ସଜୀବୀଙ୍କୁ ସମୁଦ୍ର ମନା ହୋଇଛି । ଦକ୍ଷିଣ ଓଡ଼ିଶାରେ ବର୍ଷା ବିତ୍ପାତ ଓ ପାହାଡିଆ ଅଞ୍ଚଳରେ ଭୂସ୍ଖଳନ ଆଶଙ୍କା ରହିଛି। ଏହା ସହ ଆକସ୍ମିକ ବନ୍ୟା ଏବଂ ତଳିଆ ଅଞ୍ଚଳରେ କୃତ୍ରିମ ବନ୍ୟାର ସ୍ଥିତି ଉପୁଜିବ ।