ମାଛଗାଁ କେନାଲରେ ୩୦ ଫୁଟର ଘାଇ, ତରିକୁନ୍ଦ ନିକଟରେ ଭାଙ୍ଗିଲା ବନ୍ଧ

ଜଗତସିଂହପୁର: କଟକ ରାସ୍ତାର ତରିକୁନ୍ଦ ବଜାର ନିକଟରେ ପ୍ରବାହିତ ମାଛଗାଁ କେନାଲରେ ୩୦ ଫୁଟର ଘାଇ ସୃଷ୍ଟି ହୋଇଛି । ଫଳରେ ଜଗତସିଂହପୁର କଟକ ମୁଖ୍ୟ ରାସ୍ତାରେ ଅଣ୍ଟାଏ ଉଞ୍ଚରେ ପାଣି ଲହଡ଼ି ଭାଙ୍ଗୁଛି । ରାସ୍ତା ଘାଟ, ବିଲ ବାଡ଼ି, ଘର ଦ୍ବାର ସହ ପଞ୍ଚାୟତ ଅଫିସ ଓ ତରିକୁନ୍ଦ ଫାଣ୍ଡି ପାଣି ଘେରରେ ରହିଛି । ଗତକାଲି ରାତିରୁ ଘାଇ ସୃଷ୍ଟି ହୋଇଥିବାରୁ ଚିନ୍ତାରେ ଲୋକ । ଜଗତସିଂହପୁରରୁ କଟକ ଯିବା ଆସିବା କରିବା ମୁସ୍କିଲ ହୋଇପଡ଼ିଛି ।