ଦିଲ୍ଲୀ ବୁଡ଼ାଇବାକୁ ବଡ଼ ଷଡ଼ଯନ୍ତ୍ର, ରାଜନୀତିର ଗନ୍ଧ ବାରିଲା ଆପ୍

ନୂଆଦିଲ୍ଲୀ: ଦିଲ୍ଲୀ ବନ୍ୟାକୁ ନେଇ ସେପଟେ ରାଜନୀତି ଆରମ୍ଭ ହୋଇଯାଇଛି  । ତିନି ଦିନ ବର୍ଷା ହୋଇନଥିବାବେଳେ ଦିଲ୍ଲୀକୁ ଏତେ ପାଣି କେମିତି ଆସିଲା ବୋଲି ପ୍ରଶ୍ନ କରିଛି ଆମ ଆଦମୀ ପାର୍ଟି । ଦିଲ୍ଲୀକୁ ଷଡ଼ଯନ୍ତ୍ର କରି ବୁଡିବାକୁ ପ୍ଲାନ କରାଯାଇଛି ବୋଲି ଅଭିଯୋଗ କରିଛି ଆପ୍ । ହରିୟାଣା ହଥନିକୁଣ୍ଡ ଜଳ କାହିଁକି ଦିଲ୍ଲୀକୁ କେବଳ ଛଡ଼ାଗଲା ବୋଲି ପଚାରିଛି ଦଳ । ହଥନିକୁଣ୍ଡ ପାଣି ଛଡ଼ାଯିବାକୁ ତିନିଟି କେନାଲ ଅଛି । କାହିଁକି କେବଳ ଯମୁନା ଓ ପୂର୍ବ କେନାଲକୁ ପାଣି ଛଡ଼ାଯାଉଛି । ଯେଉଁଠିକି ପଶ୍ଚିମ କେନାଲକୁ କାହିଁକି ପାଣି ଆଦୌ ଛଡାଯାଉନି ବୋଲି ପ୍ରଶ୍ନ କରିଛନ୍ତି ଆପ୍ ନେତା ସୌରଭ ଭରଦ୍ବାଜ । କାହିଁକି ହରିୟାଣା ୟୁପିକୁ ପାଣି ଛଡ଼ାଯାଉନି  ।

ସେପଟେ ଜରୁରୀକାଳୀନ ମୁକାବିଲା ପାଇଁ ନିଯୁକ୍ତ ନୋଡାଲ ଅଫିସର ମନ୍ତ୍ରୀ ଅତିସୀଙ୍କ ଫୋନ ଉଠାଉନାହାଁନ୍ତି । ଥଇଥାନ ଶିବିରରେ ଖାଦ୍ୟପାନୀୟ ମିଳୁନାହିଁ । ଏହା କାରଣ ହେଉଛି ଅଫିସର ଗ୍ରାଉଣ୍ଡରେ ସ୍ଥିତି ଅନୁଧ୍ୟାନ କରୁନାହାଁନ୍ତି । ତେଣୁ ଉକ୍ତ ଅଧିକାରୀ ଇସ୍ତଫା ଦେଇଦେବା ଉଚିତ୍ ବୋଲି ଦାବି କରିଛନ୍ତି ସୌରଭ । ମୋଟ ଉପରେ ଦିଲ୍ଲୀ ବନ୍ୟାକୁ ନେଇ ବିଜେପି ରାଜନୀତି କରୁଛି । କେନ୍ଦ୍ର ସରକାର ଓ ସୁପ୍ରିମକୋର୍ଟ, ରାଜଘାଟ ସମେତ ବହୁ ଗୁରୁତ୍ବପୂର୍ଣ୍ଣ ସ୍ଥାନକୁ ବୁଡାଇ ଦିଆଯିବାକୁ ଖାସ୍ ଷଡ଼ଯନ୍ତ୍ର ହୋଇଛି ବୋଲି କହିଛନ୍ତି ସୌରଭ ।