ପଶ୍ଚିମବଙ୍ଗରେ କଡ଼ା ସୁରକ୍ଷାରେ ଚାଲିଛି ଭୋଟ୍ ଗଣତି, ଟ୍ରେଣ୍ଡରେ ବମ୍ପର ବିଜୟ ଆଡକୁ ଟିଏମସି

କୋଲକାତା: ପଶ୍ଚିମବଙ୍ଗରେ କଡ଼ା ସୁରକ୍ଷାରେ ଚାଲିଛି ପଞ୍ଚାୟତ ଭୋଟ ଗଣତି । ୧୦ଟି ସିଟରେ ଟିଏମସି ପ୍ରାର୍ଥୀ ବିଜୟୀ ହୋଇଥିବା ବେଳେ ୨ ଶହ ପ୍ଳସ୍ ଆସନରେ ଆଗରେ ରହିଛି ତୃଳମୂଳ କଂଗ୍ରେସ । ବାଙ୍କୁରାରେ ଟିଏମସି ୬୫ ଆସନରେ ଲିଡ୍ କରୁଥିବା ବେଳେ ବିଜେପି ଗୋଟିଏ ଆସନରେ ଆଗରେ ରହିଛି ।  ଦକ୍ଷିଣ ୨୪ ପ୍ରଗଣାରେ ଟିଏମସି ୧୨୦ ଆସନରେ ଆଗରେ ରହିଛି । ବର୍ଦ୍ଧମାନରେ ବି ତୃଳମୂଳ କଂଗ୍ରେସ ଆଗରେ ରହିଛି । କାଉଣ୍ଟିଂ ବେଳେ ନନ୍ଦିଗ୍ରାମ ଗଣତି କେନ୍ଦ୍ର ବାହାରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି । ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ରୋକିବାକୁ ପୋଲିସ ଉଭୟ ପକ୍ଷକୁ ବୁଝାଶୁଝା କରିଛି । ବାରାକପୁର କାଉଣ୍ଟିଂ ସେଣ୍ଟରରେ ପଶି ଗଣ୍ଡଗୋଳ କରୁଥିବା ବିଜେପି ପ୍ରାର୍ଥୀ ବରୁଣ ସରଦାରଙ୍କୁ ପୋଲିସ ହେପାଜତକୁ ନେଇଛି ।

ଗଣତି ସମୟରେ ହିଂସାକୁ ରୋକିବାକୁ ପୋଲିସ ଓ କେନ୍ଦ୍ରୀୟ ବାହିନୀ ମୁତୟନ ହୋଇଛନ୍ତି । ଏଥିସହ ନଜର ରଖିଛି ସିସିଟିଭି କ୍ୟାମେରା । ଭୋଟ ଗଣତି କେନ୍ଦ୍ର ଆଗରେ ବୋମା ମାଡ଼ ଶହ ପଥର ଫିଙ୍ଗିଛନ୍ତି ଦୁର୍ବୃତ୍ତ । ଦକ୍ଷିଣ ଚବିଶି ପ୍ରଗଣା ଜିଲ୍ଲା ଡାଇମଣ୍ଡ ହାରବର ଅଞ୍ଚଳରେ ଥିବା ଫକୀର ଚନ୍ଦ୍ର କଲେଜରେ ଯୁକ୍ତିତର୍କ ହୋଇଛି । ବିଜେପି କର୍ମୀ ସହ କିଛି ଦୁର୍ବୃତ୍ତ ଭୋଟ ଗଣତି କେନ୍ଦ୍ର ଆଗରେ ବୋମାମାଡ଼ କରିଛନ୍ତି । ପଶ୍ଚିମବଙ୍ଗରେ ନିର୍ବାଚନୀ ହିଂସାରେ ଏଯାଏଁ ଗଲାଣି ୩୩ ଜଣଙ୍କ ଜୀବନ । ଭୋଟ ଗ୍ରହଣରେ ହିଂସା ପାଇଁ ଗତକାଲି ୬୯୬ଟି ବୁଥରେ ସାନି ମତଦାନ ହୋଇଥିଲା । ୨୦୧୮ ପଞ୍ଚାୟତ ନିର୍ବାଚନରେ ୯୦ ପ୍ରତିତଶତ ସିଟରେ ବିଜୟୀ ହୋଇଥିଲା ମମତାଙ୍କ ଦଳ ।