‘ମୋ ଘର’ ଯୋଜନା ସଫଳ ହେଉଥିବାରୁ ବାଉଳା ହେଉଛି କେନ୍ଦ୍ର: ପ୍ରଦୀପ ଅମାତ

ଭୁବନେଶ୍ବର: କେନ୍ଦ୍ର ଦେଲାନି ଆବାସ । ରାଜ୍ୟ ଦେଉଛି ‘ମୋ ଘର’ । ‘ମୋ ଘର’ ଯୋଜନା ସଫଳ ହେଉଥିବାରୁ କେନ୍ଦ୍ର ବାଉଳା ହେଉଛି । ସେଥିପାଇଁ ଅଜବ ମନ୍ତବ୍ୟ ଦେଉଛନ୍ତି କେନ୍ଦ୍ର ପଞ୍ଚାୟତିରାଜ ମନ୍ତ୍ରୀ । ଆବାସ ନେଇ ଗିରିରାଜ ସିଂହଙ୍କ ମନ୍ତବ୍ୟ ଉପରେ କଡ଼ା ଜବାବ ଦେଇଛନ୍ତି ରାଜ୍ୟ ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ଅମାତ । ଓଡ଼ିଶାରେ କୌଣସି ଅନିୟମିତତା ହୋଇନି । ସ୍ଵଚ୍ଛତାର ସହ ଆବାସ ଘର ବଣ୍ଟନ ହେଉଛି ।

ରାଜ୍ୟକୁ ଆବଶ୍ୟକ ଘର ଦେବାରୁ କେନ୍ଦ୍ର ସରକାର ବଞ୍ଚିତ କରିଥିଲେ । କର୍ଣ୍ଣାଟକ ନିର୍ବାଚନକୁ ଆଖିରେ ରଖି ସେ ରାଜ୍ୟକୁ ଅଧିକ ଘର ଦେଇଥିଲେ । ଓଡ଼ିଶା ପାଇଁ ବନ୍ଦ କରିଦେଇଥିଲେ ପୋର୍ଟାଲ । ତେଣୁ ରାଜ୍ୟ ସରକାର ‘ମୋ ଘର’ ଯୋଜନାରେ ଲୋକଙ୍କୁ ଘର ଦେଉଛନ୍ତି ବୋଲି ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ଅମାତ କହିଛନ୍ତି ।