ରଙ୍ଗ ବଦଳାଇଲେ ରାନୁ ମଣ୍ଡଳ, ନାଲିପଡ଼ିଲା ପ୍ରଶଂସକଙ୍କ ମୁହଁ

ମୁମ୍ବାଇ: ଏଇ କିଛିଦିନର କଥା । କୋଲକାତା ରେଳ ଷ୍ଟେସନର ଭିକ ମାଗୁଥିବା ଅଜଣା ଅପରିଚିତ ମହିଳା ଜଣଙ୍କ ରାତାରାତି ସୋସିଆଲ୍‌ ମିଡିଆରେ ଚର୍ଚ୍ଚିତ  ହୋଇଥିଲା । ନିଜର ସୁରିଲା କଣ୍ଠ ପାଇଁ ରାନୁମଣ୍ଡଲଙ୍କ ନାଁ ଘରେ ଘରେ ପରିଚିତ ହେଲା । କିଏ କହିଲା ସୁପରଷ୍ଟାର ତ ଆଉ କିଏ ହିମେଶ ରେଶମିୟାଙ୍କ ସହ ତାଙ୍କ ପ୍ରଥମ ଗୀତ ତେରିମେରି…କୁ ନିଜ ରିଙ୍ଗଟୋନ୍ ରଖିଲା । ସୁରସାମ୍ରାଜ୍ଞୀ ଲତାମଙ୍ଗେସକର ମଧ୍ୟ ରାନୁଙ୍କ ପ୍ରଶଂସାରେ ଶତମୂଖ ହେଲେ । ଟିଭି ରିଆଲିଟି ଶୋ’ର ଅତିଥି ହିସାବରେ ତ ପୁଣି କେତେବେଳେ ଛୋଟ ବଡ଼ ଇଣ୍ଟରଭ୍ୟୁ ମାଧ୍ୟମରେ ମିଡ଼ିଆରେ ଛାଇ ରହିଲେ ରାନୁ ।

ହେଲେ ଏବେ ରାନୁଙ୍କ ମିଠା କଣ୍ଠ ପାଇଁ ନୁହଁ ବରଂ ତାଙ୍କ ଖରାପ ବ୍ୟବହାର ପାଇଁ ସେ ଅନେକ ଚର୍ଚ୍ଚିତ । ୫ନଭେମ୍ବରର ଘଟଣା, ରାନୁ ନିଜ ସହେଯାଗୀଙ୍କ ସହ ମଲ୍ ଯାଇଥିବା ବେଳେ ଜଣେ ମହିଳା ପ୍ରଶଂସକ ରାନୁଙ୍କ ପାଖକୁ ଉତ୍ସୁକତା ସହ ଦୈାଡ଼ିଆସିଥିଲେ । ଭିଡ଼ଭିତରେ ରାନୁଙ୍କୁ ଛୁଇଁ ଏକ ସେଲଫି ପାଇଁ ଅନୁରୋଧ କରିଥିଲେ । ଏତିକିବେଳେ ଭଡ଼କି ଯାଇଥିଲେ ରାନୁ ମଣ୍ଡଲ । ମୁଁ ଏବେ ସେଲିବ୍ରିଟୀ ମୋତେ ଛୁଇଁବା ପୂର୍ବରୁ ଚିନ୍ତା କର କହିବା ସହ ବିରକ୍ତି ପ୍ରକାଶ କରିଥିଲେ ରାନୁ । ତେବେ ଘଟଣାସ୍ଥଳରୁ ଫ୍ୟାନଜଣଙ୍କ ମୁଁହ ଶୁଖାଇ ଫେରିଯାଇଥିବା ବେଳେ ଉପସ୍ଥିତ ଭିଡ଼ଭିତରୁ କେହିଜଣେ ରାନୁଙ୍କର ଏ କଦର୍ଯ୍ୟ ବ୍ୟବହାରକୁ ଭିଡ଼ିଓ ଦ୍ୱାରା କଏଦ କରିଥିଲା ଯାହା ଏବେ ଭାଇରାଲ ହୋଇଛି । ତେବେ ପ୍ରଶଂସକଙ୍କୁ ସେଲିବ୍ରିଟୀ ନଖରା ଦେଖାଇବା ଏକ ଚିରାଚରିତ କଥା ପାଲଟିଥିବା ବେଳେ ପୁଣି ଏକ ଘଟଣା ଏବେ ଚର୍ଚ୍ଚାରେ ।

')}