କଣ୍ଠଶିଳ୍ପୀ ସୌରିନ ଭଟ୍ଟଙ୍କ ବିରୋଧରେ ଯୌନ ଶୋଷଣ ମାମଲା, କଟକ ମହିଳା ଥାନା ପୋଲିସର ତଦନ୍ତ ଆରମ୍ଭ

କଟକ: କଣ୍ଠଶିଳ୍ପୀ ସୌରିନ ଭଟ୍ଟଙ୍କ ବିରୋଧରେ ଯୌନ ଶୋଷଣ ମାମଲା । ତଦନ୍ତ ଆରମ୍ଭ କରିଛି କଟକ ମହିଳା ଥାନା ପୋଲିସ । ସୌରିନଙ୍କୁ ଠାବ କରିବାକୁ ସ୍ବତନ୍ତ୍ର ଟିମ ଗଠନ କରାଯାଇଛି । ପ୍ରଥମେ ସୌରିନଙ୍କୁ ଠାବ କରିବା ପରେ ଗିରଫ କରାଯିବ ବୋଲି ସ୍ପଷ୍ଟ କରିଛି କଟକ କମିଶନରେଟ ପୋଲିସ । ଏଥିପାଇଁ ଆସନ୍ତା ଦୁଇ ଦିନ ଭିତରେ ସ୍ବତନ୍ତ୍ର ଟିମ୍ ରାଜ୍ୟ ବାହାରକୁ ଯିବ ।

ସୌରିନ ନିଜ ମୋବାଇଲକୁ ସୁଇଚ୍ ଅଫ କରିଥିବାରୁ ତାଙ୍କ ସହ ଯୋଗାଯୋଗ ହୋଇ ପାରୁନାହିଁ । ପୋଲିସ ପ୍ରଥମେ କୋଲକତା ସ୍ଥିତ ସୌରିନଙ୍କ ବାସଭବନକୁ ଯାଇ ଖୋଜାଖୋଜି କରିବ । ସେପଟେ ଅଭିଯୋଗ ଆଣିଥିବା ପୀଡ଼ିତାଙ୍କ ଡାକ୍ତରୀ ମଇନା ସହ CRPCର ଧାରା ୧୬୪ ଆଧାରରେ ବୟାନ ରେକର୍ଡ ହୋଇଛି । ଉଭୟ ଭିଡିଓ ଓ ଅଡିଓ ମୋଡରେ ମଧ୍ୟ ଅଭିଯୋଗକାରୀଣିଙ୍କ ବୟାନ ରେକର୍ଡ କରାଯାଇଛି ।