ବାହାନଗା ରେଳ ଦୁର୍ଘଟଣା: ପୁଣି ଓଡ଼ିଶା ଆସିପାରନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ
ଭୁବନେଶ୍ୱର: ଆଜି ପୁଣି ଥରେ ଓଡ଼ିଶା ଆସିପାରନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ବାହାନଗା ରେଳ ଦୁର୍ଘଟଣାରେ ଆହତଙ୍କ ଚିକିତ୍ସା ସମ୍ପର୍କରେ ମମତା ସମୀକ୍ଷା କରିବା ସମ୍ଭାବନା ରହିଛି। ଓଡ଼ିଶା ଗସ୍ତକୁ ଦୃଷ୍ଟିରେ ରଖି ମମତା ତାଙ୍କର ୩ ଦିନିଆ ଦାର୍ଜିଲିଂ ଗସ୍ତ ବାତିଲ କରିଥିବା ସୂଚନା ମିଳିଛି। ବାହାନଗା ଟ୍ରେନ ଦୁର୍ଘଟଣାରେ ପଶ୍ଚିମବଙ୍ଗର କେତେକ ଯାତ୍ରୀ ମୃତାହତ ହୋଇଥିଲେ।
ଗତ ୩ ତାରିଖ ଦିନ ସେ ବାହାନଗା ପରିଦର୍ଶନ କରିବା ସହ ଆହତଙ୍କୁ ଭେଟିଥିଲେ। ଓଡ଼ିଶାର ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଥିବା ପଶ୍ଚିମବଙ୍ଗର ଯାତ୍ରୀମାନଙ୍କ ସ୍ବାସ୍ଥ୍ୟାବସ୍ଥା ସମ୍ପର୍କରେ ସେ ଅନୁଧ୍ୟାନ କରିବାର କାର୍ଯ୍ୟକ୍ରମ ରହିଛି। ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିମାନଙ୍କ ପରିବାରକୁ ବୁଧବାର ସେ କ୍ଷତିପୂରଣ ବାବଦ ଚେକ୍ ଦେବେ ବୋଲି ସୂଚନା ମିଳିଛି।
