ପ୍ଲେଇଙ୍ଗ ଇଲେଭେନ୍‌ ବଦଳରେ ଏବେ ଦଳରେ ରହିବେ ୧୫ ଜଣ ଖେଳାଳି, ଖରାପ ଖେଳିଲେ ମ୍ୟାଚ୍‌ ଅଧାରୁ ବିଦା ହେବା ଥୟ

ଫଟାଫଟ କ୍ରିକେଟ୍‌ ଭାବେ ଜଣାଶୁଣା IPL ଏବେ ହେବ ଅଧିକ ରୋମାଞ୍ଚଭରା । ପ୍ଲେଇଙ୍ଗ ଇଲେଭେନ ବଦଳରେ ଏବେ IPLରେ ଗୋଟିଏ ଦଳରେ ରହିବେ ୧୫ ଜଣ ଖେଳାଳି। ମ୍ୟାଚରେ ଖରାପ ଖେଳିଲେ ଅଧାରୁ ପଡିଆରୁ ବିଦା ହେବେ ଖେଳାଳି। ଆଗାମୀ ସଂସ୍କରଣରେ ‘ପାୱାର ପ୍ଲେୟାର’ ଭଳି ନୂଆ ନିୟମ IPLରେ ଲାଗୁ ହେବାକୁ ଯାଉଛି । ନୂଆ ନିୟମ ଅନୁସାରେ ମ୍ୟାଚ ଅଧାରୁ ଖେଳାଳିଙ୍କୁ ବଦାଳାଯାଇ ହେବ। ବିଶେଷ କରି ମ୍ୟାଚ ମଝିରେ ୱିକେଟ୍‌ ଯିବା ପରେ ଏବଂ ଓଭର ଶେଷ ହେବା ପରେ ଖେଳାଳିଙ୍କୁ ବଦଳାଯାଇ ହେବ। ବିଶ୍ୱର ସବୁଠୁ ସଫଳ କ୍ରିକେଟ୍‌ ଲିଗ୍‌ ‘ଆଇପିଏଲ’ରେ ଅନେକ ନିୟମ ବଦଳିବାକୁ ଯାଉଛି।

ଏଥିପାଇଁ IPL ନିୟମରେ ହେବାକୁ ଯାଉଛି ବଡ଼ଧରଣର ପରିବର୍ତ୍ତନ। ଆଗମୀ ଆଇପିଏଲରେ ଏହି ନିୟମ କାର୍ଯ୍ୟକାରୀ ପାଇଁ ଏବେ ବିଚାର ବିମର୍ଶ କରାଯାଉଛି। ମଙ୍ଗଳବାର ଗଭର୍ନିଂ କାଉଁସିଲ ବୈଠକ ବସୁଛି। ଏହି ବୈଠକରେ IPL ନୂଆ ନିୟମ ପରିବର୍ତ୍ତନ ଉପରେ ଆଲୋଚନା ହେବ। କେବେଳ ଆଇପିଏଲରେ ନୁହେଁ ଆଗମୀ ସହୟ ମୁସ୍ତାକ ଅଲ୍ଲି ଟ୍ରଫିରେ ମଧ୍ୟ ଏହି ନିୟମକୁ ଲାଗୁ କରାଯିବା ନେଇ ସଂକେତ ମିଳିଛି। ଯଦି ଏଭଳି ନିୟମ ଲାଗୁ ହୁଏ ତେବେ ମ୍ୟାଚର ରେଜଲ୍ଟ ଉପରେ ଏହାର ଜବରଦସ୍ତ ପ୍ରଭାବ ଦେଖିବାକୁ ମିଳିବ। କାରଣ ଯଦି ଶେଷ ଓଭରକୁ ଜିତିବାକୁ ୨୦ ରନ ଆବଶ୍ୟକ ଥାଏ ତେବେ ଟିମରେ ଥିବା ଶ୍ରେଷ୍ଠ ବିସ୍ଫୋରକ ବ୍ୟାଟ୍ସମ୍ୟାନକୁ ଅନ୍ତିମ ଓଭର ଖେଳିବାକୁ ସୁଯୋଗ ମିଳିବ ଏବଂ ଶେଷ ଓଭରରେ ଦଳକୁ ୨୦ ରନ ସ୍କୋର କରିବା ସହଜ ହୋଇଯିବ। ଏହି ନିୟମ ଲାଗୁହେଲେ ହାରିବା ମ୍ୟାଚ ବି ସହଜରରେ ଜିତି ହେବ। ')}