୪୧ ହଜାର କୋଟି ଟଙ୍କାରେ ଚନ୍ଦ୍ର ବନାଇବ ଦୁବାଇ

ନୂଆଦିଲ୍ଲୀ: ଦୁନିଆରେ ଏପରି ମନୁଷ୍ୟ କୃତ ତଥା ଅଦ୍ଭୁଦ କଳାକୃତୀ ରହିଛି ଯାହାକୁ ଦେଖିଲେ ଆପଣ ନିଜ ଆଖିରେ ବିଶ୍ୱାସ କରିପାରିବେ ନାହିଁ । ଯାହା ଇଞ୍ଜିନିୟରଙ୍କ ହାତର ଯାଦୁଗରୀ ଏବଂ ଟେକ୍ନୋଲୋଜି ଦ୍ୱାରା ଅସମ୍ଭବକୁ ସମ୍ଭବ କରାଯାଇଥାଏ । ଏମିତି ଏକ ସହର ହେଉଛି ଦୁବାଇ । କଥାରେ ଅଛି ଯେ ସୁଉଚ୍ଚ ଅଟ୍ଟାଳିକା ଏବଂ ସ୍ୱତନ୍ତ୍ର ସ୍ଥାପତ୍ୟ କଳା ପାଇଁ ଦୁବାଇ ପରିଚିତ । ଯେଉଁଠି ଯୁଆଡେ ଚାହିଁଲେ ସିଆଡ଼େ ଆକାଶକୁ ଛୁଉଁଥିବା ବଡ଼ ବଡ଼ ଅଟ୍ଟାଳିକା । ଖାଲି ଏତି ନୁହେଁ ସେଠାକାର ହାଇଟେକ୍ ଇଞ୍ଜିନିଅରିଂ ଟେକ୍ନୋଲୋଜିରେ ମରୁଭୂମିରେ ବି ସମୁଦ୍ର ତିଆରି କରାଯାଇଛି ।

ଏତିକିରେ ସରିନି ଏଠାକାର କଳାକୃତୀ । ଏହା ଭିତରେ ଦୁବାଇ ତା’ର ସୁନ୍ଦରତା ଆହୁରି ବୃଦ୍ଧି କରିବାକୁ ଚନ୍ଦ୍ରକୁ ବି ଭୂଲୋକ ଆଣିବାକୁ ଯୋଜଦାର ପ୍ରସ୍ତୁତି ଆରମ୍ଭ ହୋଇଗଲାଣି । ସୂଚନା ମୁତାବକ, ଦୁବାଇର ଏକ ରିସୋର୍ଟରେ ଚନ୍ଦ୍ର ପ୍ରତିକୃତି ସ୍ଥାପନ ପାଇଁ କୋଟି କୋଟି ଟଙ୍କା ଖର୍ଚ୍ଚ କରିବାକୁ ଯୋଜନା କରାଯାଉଛି । ଏହି ପ୍ରୋଜେକ୍ଟରେ ୪ ମିଲିୟନ ପାଉଣ୍ଡ ଅର୍ଥାତ୍ ଭାରତୀୟ ମୁଦ୍ରାରେ ୪୧ ହଜାର କୋଟି ଟଙ୍କା ଖର୍ଚ୍ଚ କରାଯିବ ।

ଏହି ପ୍ରେଜେକ୍ଟକୁ ପ୍ରସ୍ତୁତ କରିଛନ୍ତି କାନାଡାର ଉଦ୍ୟୋଗୀ ମାଇକେଲ ହ୍ୟାଣ୍ଡର୍ସନ । ମାଇକେଲ ଏହି ୯୦୦ ଫୁଟର ଚନ୍ଦ୍ରର ମଡେଲକୁ ଆକାର ଦେବେ । ଯାହାକୁ ୧୦୦ ଫୁଟ ଉଚ୍ଚ କୋଠା ଉପରେ ରଖାଯିବ । ଏହି ପ୍ରୋଜେକ୍ଟକୁ ‘ମୁନ୍’ ନାମ ଦିଆଯାଇଛି । କୁହାଯାଉଛି କି ଏହି କୃତ୍ରିମ ଚନ୍ଦ୍ର ଦ୍ୱାରା ଲୋକେ ଅତି ପାଖରୁ ଚନ୍ଦ୍ରକୁ ଦେଖିବାର ମଜା ଉଠାଇ ପାରିବେ । ଏହି ପ୍ରୋଜେକ୍ଟକୁ ଏପରି ପ୍ରସ୍ତୁତ କରାଯାଉଛି, ଯାହାକୁ ଦେଖିବାକୁ ପ୍ରତିବର୍ଷ ୨.୫ ମିଲିୟନ ବା ୨୫ ଲକ୍ଷ ପର୍ଯ୍ୟଟକ ଆସିବେ ବୋଲି ଅନୁମାନ କରାଯାଉଛି ।

ହ୍ୟାଣ୍ଡର୍ସନଙ୍କ ଅନୁଯାୟୀ ଏହି କୃତ୍ରିମ ଚନ୍ଦ୍ର ଆକୃତି ହୋଟେଲ ରାତିରେ ଅସଲି ଚନ୍ଦ୍ର ପରି ଚମକିବ । ଯେଉଁଥିରେ ୪ ହଜାର ରୁମ୍ ରହିଛି । ଏହା ସହିତ ଏଠାରେ ପାଖାପାଖି ୧୦ ହଜାର ଲୋକ ରହିପାରିବେ । ଆହୁରି ମଧ୍ୟ ଏଠାରେ ଚାଲିଲେ ଚନ୍ଦ୍ରରେ ଚାଲିବା ପରି ଲାଗିବ । ଯାହା ଦ୍ୱାରା ଲୋକମାନେ ସ୍ପେଶ୍ ଓ୍ୱାକର ଅନୁଭବ ନେଇ ପାରିବେ ।