କର୍ଣ୍ଣାଟକ ନିର୍ବାଚନ ଫଳ ପରେ ବଦଳିଲା ଦିଦିଙ୍କ ଆଭିମୁଖ୍ୟ, କହିଲେ କଂଗ୍ରେସକୁ ସମର୍ଥନ କରିବୁ ଯଦି….

କୋଲକାତା: କର୍ଣ୍ଣାଟକ ନିର୍ବାଚନ ଫଳ ପରେ ନରମିଲେ ଦିଦି । କଂଗ୍ରେସ ପ୍ରତି ବଦଳିଛି ଫାୟାର ବ୍ରାଣ୍ଡ ଲିଡର ମମତା ବାନାର୍ଜୀଙ୍କ ଆଭିମୁଖ୍ୟ । ୨୦୨୪ ଲୋକସଭା ନିର୍ବାଚନରେ କଂଗ୍ରେସକୁ ସମର୍ଥନ କରିବା ନେଇ ଦିଦି କହିଛନ୍ତି । କହିଛନ୍ତି- ଯେଉଁ ସବୁ ରାଜ୍ୟରେ କଂଗ୍ରେସ ପ୍ରମୁଖ ଦଳ ରହିଛି ସେହି ସବୁ ରାଜ୍ୟରେ କଂଗ୍ରେସକୁ ଟିଏମସି ସମର୍ଥନ କରିବାକୁ ପ୍ରସ୍ତୁତ । ତେବେ କଂଗ୍ରେସ ବି ଟିଏମସି ପ୍ରତି ସମାନ ଆଭିମୁଖ୍ୟ ପ୍ରଦର୍ଶନ କରିବା ଉଚିତ ବୋଲି ସେ କହିଛନ୍ତି ।

ଏହି ନୀତି ଅନୁସାରେ ଉଭୟ ଦଳ ମଧ୍ୟରେ ସମନ୍ବୟ ରହିବ ଏବଂ ରାଜ୍ୟସ୍ତରରେ ଦୁଇ ଦଳ ପରସ୍ପରକୁ ସମର୍ଥନ କରିବା ଉଚିତ ବୋଲି ସେ କହିଛନ୍ତି । ସେ ଆହୁରି କହିଛନ୍ତି ଟିଏମସିର ଆକଳନ ଅନୁସାରେ ଦେଶରେ କଂଗ୍ରେସ ୨୦୦ ଆସନ ଲାଭ କରିବ । ଉତ୍ତରପ୍ରଦେଶରେ ସମାଜବାଦୀ ପାର୍ଟି ଶକ୍ତିଶାଳୀ ରହିଛି । ତେଣେ ସେଠାରେ ଏସପିକୁ ଟିଏମସି ସମର୍ଥନ କରିବ । ଦେଶରେ ବିରୋଧୀ ଦଳ ମଧ୍ୟରେ ଏକତାର ଆବଶ୍ୟକତା ରହିଛି ବୋଲି ସେ କହିଛନ୍ତି ।