କମ୍ ନିବେଶରେ ଅଧିକ ଲାଭର ଲୋଭ, ଫ୍ରଡ୍ ଆପ୍ ଜଏନ ଟ୍ରେଡ୍-ଫିନାନସିଆଲ ଗ୍ରୋଥର ସମ୍ପତ୍ତି ଜବତ
1 min read
ଭୁବନେଶ୍ୱର: ଫ୍ରଡ୍ ଆପ୍ ଜଏନ ଟ୍ରେଡ୍- ଫିନାନସିଆଲ ଗ୍ରୋଥର ୧ କୋଟି ୨୨ ଲକ୍ଷ ଟଙ୍କାର ସମ୍ପତ୍ତିକୁ ଜବତ କରିଛି ଇଓଡବ୍ଲୁ । କମ୍ ନିବେଶରେ ଅଧିକ ଲାଭର ଲୋଭ ଦେଖାଇବା ସହ ବିଭନ୍ନ ବଲିଉଡ୍ ତାରକାଙ୍କ ଫଟୋକୁ ଜାଲ ଉପାୟରେ ବ୍ୟବହାର କରି ଲୋକଙ୍କୁ ଆକର୍ଷିତ କରୁଥିଲା କମ୍ପାନୀ । ଏହି ଆପକୁ ଗୁଗଲ ପ୍ଲେ-ଷ୍ଟୋରରୁ ବି ଡାଉନଲୋଡ୍ କରିବା ଲାଗି କମ୍ପାନୀ ଲୋକଙ୍କୁ ପ୍ରବର୍ତ୍ତାଇଥିଲା । ଏହି ଆପକୁ ତିଆରି କରିଥିଲା ପରଫେକ୍ଟ ଟ୍ରେଡ୍ । ଏପରିକି ୧୦୦ରୁ ୨୦ ହଜାର ଟଙ୍କା ଯାଏ ଜମା କଲେ ଲାଭ ବହୁ ଅଧିକ ହେବ ବୋଲି କମ୍ପାନୀ ପ୍ରବର୍ତ୍ତାଇଥିଲା ।
ଟଙ୍କା ଜମା ଲାଗି UPI ID ବି ଦିଆଯାଇଥିଲା । ସଂଗୃହୀତ ଅର୍ଥକୁ ବିଭିନ୍ନ ଜାଲ କମ୍ପାନୀରେ ନିୟୋଜିତ କରାଯାଇଥିଲା । ଏନେଇ ଅଭିଯୋଗ ହେବା ପରେ ୫ଟି ଆକାଉଣ୍ଟକୁ ଯାଞ୍ଚ କରାଯିବା ସହ ୧୮ କୋଟି ୬୭ ଲକ୍ଷ ଟଙ୍କାର କାରବାର ଠାବ ହୋଇଥିଲା । ବିଭିନ୍ନ ବ୍ୟାଙ୍କରେ ଏହି ଟଙ୍କା ଜମା କରାଯାଇଥିଲା । ଅଧିକ ତଦନ୍ତ ପରେ କମ୍ପାନୀର ୧ କୋଟି ୨୨ ଲକ୍ଷ ଟଙ୍କାକୁ ଇଓଡବ୍ଲୁ ଜବତ କରିଥିଲା ।
