ଝାରସୁଗୁଡ଼ାରେ ବିଜେପିର ଡାର୍ଟି ପଲିଟିକ୍ସ ରିପିଟ୍ ଅଭିଯୋଗ, ହାରିବା ଭୟରେ ହିଂସା ରଚୁଛି ବିଜେପି

ଝାରସୁଗୁଡ଼ା: ଝାରସୁଗୁଡ଼ାରେ ବିଜେପିର ଡାର୍ଟି ପଲିଟିକ୍ସ ରିପିଟ୍ ଅଭିଯୋଗ । ଝାରସୁଗୁଡ଼ାରେ ହାରିବା ଭୟରେ ବିଜେପୁର ଓ ପଦମପୁର ପରି ବିଜେପି ହିଂସା ରାଜନୀତି ଆପଣାଇଥିବା ଅଭିଯୋଗ ହୋଇଛି । ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହୋଇଛି ବିଜେଡି । ଗତ ୨ ତାରିଖରେ ଗୌଡ଼ପଡ଼ାର ବିଜେଡି କର୍ମୀ ଗୋବିନ୍ଦ ଝରା ପ୍ରଚାର କରୁଥିବା ବେଳେ ବିଜେପି କର୍ମୀ ବିପ୍ର ବନଛୋର ଓ ଆଉ କିଛି ବିଜେପି ସମର୍ଥକ ଗୋବିନ୍ଦଙ୍କୁ ମରଣାନ୍ତକ ଆକ୍ରମଣ କରିଥିଲେ । ଏ ସମ୍ପର୍କିତ ଫଟୋ ଓ ଭିଡିଓ ସିଇଓଙ୍କୁ ବିଜେଡି ପ୍ରତିନିଧି ଦଳ ହସ୍ତାନ୍ତର କରିଛନ୍ତି ।

ହାରିବା ସୁନିଶ୍ଚିତ ଜାଣି ବିଜେପି ହିଂସାର ପନ୍ଥା ଆପଣାଇଥିବା ବିଜେଡି ଅଭିଯୋଗ କରିଛି । ବିଜେଡି ମୁଖପାତ୍ର ଲେନିନ୍ ମହାନ୍ତିଙ୍କ ନେତୃତ୍ବରେ ୪ ଜଣିଆ ପ୍ରତିନିଧି ଦଳ ସିଇଓଙ୍କୁ ଭେଟି କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।