ଅସୁସ୍ଥତା ସଂପର୍କରେ କଣ କହିଲେ ଲୁଲୁ ମହାପାତ୍ରଙ୍କ ପତ୍ନୀ ?

ଭୁବନେଶ୍ୱର: କଂଗ୍ରେସର ସ୍ୱର୍ଗତ ନେତା ତଥା ବ୍ରହ୍ମଗିରିରୁ ୩ ଥର ବିଧାୟକ ଜିତିଥିବା ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ସ୍ତ୍ରୀ ନମିତା ମହାପାତ୍ରଙ୍କ ଅସୁସ୍ଥତା ଖବର ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଥିଲା । ସେ ଅସୁସ୍ଥ ହୋଇ ଭୁବନେଶ୍ୱରର କିମ୍ସ ହସ୍ପିଟାଲରେ ଚିକିତ୍ସିତ ହେଉଛନ୍ତି । ତେବେ ତାଙ୍କ ପାଖରେ କେହି ନଥିବା ଏବଂ ସେ ଅସହାୟ ଅନୁଭବ କରୁଥିବା ନେଇ ଖବର ଚର୍ଚ୍ଚାକୁ ଆସିଥିଲା । ଲୁଲୁଙ୍କ ପରି ଜଣେ ଟାଣୁଆ ଓ ପ୍ରଭାବଶାଳୀ ନେତାଙ୍କ ପତ୍ନୀ ହେବା ସତ୍ୱେ ଲୁଲୁଙ୍କ ପରଲୋକ ପରେ ସେ ଏକା ହୋଇଯିବା ଘଟଣା ହିଁ ଥିଲା ମୁଖ୍ୟ ଚର୍ଚ୍ଚାର ବିଷୟ । ତେବେ ଅସୁସ୍ଥତା ନେଇ ମୁହଁ ଖୋଲିଛନ୍ତି ଲୁଲୁ ମହାପାତ୍ରଙ୍କ ପତ୍ନୀ ନମିତା । କହିଛନ୍ତି ତାଙ୍କ ଦେହ ଖରାପ ନେଇ ଯାହା ଖବର ବାହାରିଛି, ତାହା ଠିକ୍ ନୁହେଁ । ଏହା ପଛରେ ତାଙ୍କ ବାପଘର ପରିବାର ଲୋକଙ୍କର ହାତ ଥିବା ସେ ସନ୍ଦେହ କରିଛନ୍ତି । ବ୍ରହ୍ମଗିରିରୁ ତାଙ୍କ ଦିଅର ଲଳିତେନ୍ଦୁଙ୍କ ବିଜୟକୁ ସହିନପାରି ସେମାନେ ଏମିତି କରିଥାଇପାରନ୍ତି ବୋଲି ନମିତା କହିଛନ୍ତି । ଗଣମାଧ୍ୟମରେ ଏହାବି ପ୍ରକାଶିତ ହୋଇଥିଲା ଯେ, ନମିତା ରାଜନୀତି କରିବାକୁ ଚାହୁଁଥିଲେ ଏବଂ ଲୁଲୁ ତାଙ୍କୁ ସୁଯୋଗ ଦେଇନଥିଲେ । ଏବେ କାହିଁକି ସେ ଭାଙ୍ଗି ପଡ଼ିଛନ୍ତି ଓ ତାଙ୍କ ବିରୋଧରେ କିଛି ଷଡ଼ଯନ୍ତ୍ର ହୋଇଥିଲା କି ବୋଲି ପ୍ରଶ୍ନ ମଧ୍ୟ ହୋଇଥିଲା । ଏବେ ନମିତା ମୁଁହ ଖୋଲିବା ପରେ ସବୁ ଘଟଣାରୁ ପରଦା ହଟିଛି । ନମିତା ତତ୍କାଳ ଛାତ୍ର ରାଜନୀତିରେ ବେଶ୍ ସକ୍ରିୟ ଥିଲେ ଓ ସେ ପୂର୍ବତନ ବିଧାୟକ ନାରାୟଣ ସାହୁଙ୍କ ଝିଅ । ଲୁଲୁଙ୍କୁ ବିବାହ ପରେ ରାଜନୀତିରୁ ନମିତା ଏକପ୍ରକାର ସନ୍ୟାସ ନେଇଥିଲେ । ଲୁଲୁଙ୍କ ଲିଗାସୀକୁ ଲଳିତେନ୍ଦୁ ସମ୍ଭାଳିବା ସହ ଲୁଲୁଙ୍କ ଝିଅ ଉପାସନା ମଧ୍ୟ ଏବେ ବିଜେପି ରାଜନୀତିରେ ବେଶ୍ ସକ୍ରିୟ ଅଛନ୍ତି । ')}