ତିସ୍ ହଜାରି କୋର୍ଟ ବାହାରେ ସ୍ଥିତି ଅଣାୟତ୍ତ, ଏକାଧିକ ପୋଲିସ ଗାଡ଼ିରେ ନିଆଁ ଲଗାଇଲେ ଆଇନଜୀବୀ

ନୂଆଦିଲ୍ଲୀ :  ଦିଲ୍ଲୀର ତିସ୍ ହଜାରୀ କୋର୍ଟ ବାହାରେ ହୁହୁ ହୋଇ ଜଳୁଛି ଏକାଧିକ ପୋଲିସ ଗାଡ଼ି । ଗାଡ଼ି ଗୁଡ଼ିକରେ ନିଆଁ ଲଗାଯିବା ପରେ ଏଭଳି ସ୍ଥିତି ସୃଷ୍ଟି ହୋଇଛି । ପରିସ୍ଥିତି ନିୟନ୍ତ୍ରଣ କରିବାକୁ ପୋଲିସକୁ ନାକେଦମ୍ ହେବାକୁ ପଡ଼ିଲାଣି ।

ସୂଚନା ଅନୁସାରେ ଆଜି ଦିଲ୍ଲୀର ତିସ୍ ହଜାରି କୋର୍ଟ ବାହାରେ ଓକିଲ-ପୋଲିସ ମୁହାଁମୁହିଁ ହୋଇଥିଲେ। ପୋଲିସ ପକ୍ଷରୁ ପ୍ରଥମେ  ଫାୟାରିଂ କରାଯାଇଥିଲା । ଏହାପରେ ରାଗିଯାଇଥିଲେ ଓକିଲ । ପାଖ ଆଖରେ ଥିବା ପୋଲିସ ଭ୍ୟାନ୍ ଗୁଡିକରେ ନିଆଁ ଲଗାଇ ଦେଇଥିଲେ । ଉଭୟପକ୍ଷଙ୍କ ମଧ୍ୟରେ ଆକ୍ରମଣରେ ଜଣେ ଆଇନଜୀବୀ ଆହତ ହୋଇଥିବା ସୂଚନା ମିଳିଛି । କେଉଁ କାରଣରୁ ଏଭଳି ସ୍ଥିତି ଉତ୍ପନ୍ନ ହେଲା ସେ ନେଇ ସ୍ପଷ୍ଟ ସୂଚନା ମିଳିପାରିନାହିଁ । କୋର୍ଟ ପରିସରରେ ୫ ପ୍ଲାଟୁନ୍ ଫୋର୍ସ ମୁତୟନ ହୋଇଛନ୍ତି । ଦିଲ୍ଲୀର କେନ୍ଦ୍ରୀୟ ଡିସିପିଙ୍କ ସହ ବରିଷ୍ଠ ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି । ')}