ଲୋକସେବା ଭବନରେ ୧୪ ଦେଶର ପ୍ରତିନିଧିଙ୍କ ସହ ଆଲୋଚନା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଲୋକସେବା ଭବନରେ ୧୪ଟି ଦେଶର ମନ୍ତ୍ରୀ, ସାଂସଦଙ୍କୁ ଭେଟି ବିଭିନ୍ନ ପ୍ରସଙ୍ଗରେ ଆଲୋଚନା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହ ନୀତି ପରାମର୍ଶଦାତାଙ୍କ ସହ ମଧ୍ୟ ଆଲୋଚନା କଲେ ନବୀନ । ଏହି ଅବସରରେ ରାଜ୍ୟର କଳା, ସଂସ୍କୃତି ଓ ପ୍ରାକୃତିକ ସମ୍ପଦର ବିବରଣୀ ଦେଲେ । ଓଡ଼ିଶା ସବୁ କ୍ଷେତ୍ରରେ ପ୍ରଭାବ ପକାଇବା ଭଳି ବିକାଶ କରୁଛି । ଅର୍ଥ ବ୍ୟବସ୍ଥା ଓ ଉଦ୍ୟୋଗ କ୍ଷେତ୍ରରେ ଓଡ଼ିଶାର ଅଧିକ ବିକାଶ ହୋଇଛି । ଭାରତ ୭୫ ବର୍ଷ ଧରି ଏକ ଗଣତାନ୍ତ୍ରିକ ପରମ୍ପରାରେ ପରିଚାଳିତ ହେଉଛି ବୋଲି ମୁଖ୍ୟମନ୍ତ୍ରୀ କହିଥିଲେ ।

ଏହି ଅବସରରେ ମୁଖ୍ୟମନ୍ତ୍ରୀଙ୍କୁ ଉଚ୍ଚ ପ୍ରଶଂସା କଲେ ୧୪ ଦେଶର ପ୍ରତିନିଧି । ଏସିଆ କନେକ୍ଟ ସେଣ୍ଟରର ପ୍ରଫେସର ଡ. ରୋଜର ମୋଜର, ସୁଇଜରଲାଣ୍ଡର ସୋଭିନାର ଭର୍ଦନିଆନ ମୁଖ୍ୟମନ୍ତ୍ରୀଙ୍କୁ ପ୍ରଶଂସା କରିଛନ୍ତି । ଆର୍ମେନିଆ ସାଂସଦ ଡିମିଟାର ତାସେଭ, ବୁଲଗେରିଆ ସାଂସଦ ୟୁଲିଆ କ୍ଲେମନକୋ, ୟୁକ୍ରେନ ଓ ସ୍ଲୋଭାକିଆ ସାଂସଦ ମୁଖ୍ୟମନ୍ତ୍ରୀଙ୍କ ସହ କଥା ହୋଇଛନ୍ତି ।