ସୀମାରେ ବଳ ବଢାଉଛି ଚୀନ୍, ତିଦ୍ଦତରୁ ଭାରତ ଉପରେ ରଖିଛି କଡ଼ା ନଜର

ନୂଆଦିଲ୍ଲୀ: ତିବ୍ବତରେ ବହୁ ସଂଖ୍ୟକ ଲଢୁଆ ବିମାନ, ହେଲିକପ୍ଟର, ଏୟାର ସତର୍କତା ପ୍ରଣାଳୀ ମୁତୟନ କରିଚାଲିଛି । ତିବ୍ବତର ୩ଟି ଏୟାରଫିଲଡରେ ଚୀନର ୧୨ଟି ଲଢ଼ୁଆ ବିମାନ, ୩୭ଟି ହେଲିକପ୍ଟର, ପ୍ରାୟ ଏକ ଡଜନ ଡ୍ରୋନ୍, ପରିବହନ ଓ ଇନ୍ଧନ ବିମାନ ମୁତୟନ କରିଛି । ଭାରତକୁ ଦୃଷ୍ଟିରେ ରଖି ଚୀନ୍ ଏହା କରିଥିବା ସନ୍ଦେହ କରାଯାଉଛି । ଏହାଛଡ଼ା ଲାସାଠାରେ ଏକ ସାନସି କେଜେ-୫୦୦ ବିମାନ ରହିଛି । ଏହା ଏକ ଆର୍ଲି ଓ୍ବାର୍ଣ୍ଣିଂ ଏଣ୍ଡ କଣ୍ଟ୍ରୋଲ ଏୟାରକ୍ରାଫ୍ଟ । ଏହା ଦୂରରୁ ଭାରତୀୟ ଲଢୁଆ ବିମାନଗୁଡ଼ିକୁ ଠାବ କରିପାରିବ, ଯେପରିକି ଚୀନ୍ ବିମାନଗୁଡ଼ିକ ସତର୍କ ହୋଇପାରିବେ ।

କେବଳ ଏତିକି ନୁହେଁ, ତିବ୍ବତର ୩ଟି ଏୟାରବେସରେ ମୋଟ ୩୭ଟି ହେଲିକପ୍ଟର ମଧ୍ୟ ରଖାଯାଇଛି । ଏହାଛଡ଼ା ପ୍ରାୟ ୧୨ଟି ଡ୍ରୋନ୍ ମଧ୍ୟ ପ୍ରସ୍ତୁତ ରଖାଯାଇଛି । ଗଲଓ୍ବାନ୍ ସଂଘର୍ଷ ପରେ ଦୁଇ ଦେଶର ସେନା ସୀମାରେ ମୁହାଁମୁହିଁ ଅବସ୍ଥାରେ ଥିବାବେଳେ ଚୀନର ଏପରି ପଦକ୍ଷେପକୁ ନେଇ ଭାରତୀୟ ବାୟୁସେନା ସତର୍କ ହୋଇଯାଇଛି ।