ମାଡ଼ି ଆସୁଛି ସାଇକ୍ଲୋନ ‘ମହା’: ଲକ୍ଷଦ୍ୱୀପକୁ ରେଡ୍ ଆଲର୍ଟ, କେରଳରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା

ମାଡ଼ି ଆସୁଛି ସାଇକ୍ଲୋନ ‘ମହା’ । ସାଇକ୍ଲୋନ ମହାର ପ୍ରଭାବରେ ଆଜି ଲକ୍ଷଦ୍ୱୀପରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ଏହା ସହିତ କେରଳରେ ମଧ୍ୟ ଏହି ବାତ୍ୟାର ପ୍ରଭାବ ଦେଖିବାକୁ ମିଳିବ, ଯେଉଁଥି ପାଇଁ ସେଠାରେ ମାତ୍ରାଧିକ ବର୍ଷାର ସମ୍ଭାବନା ରହିଛି ।

ଆରବ ସାଗରରେ ଡିପ୍ ଡିପ୍ରେସନ ବୁଧବାର ଦିନ ଗମ୍ଭୀର ଚକ୍ରବତୀ ବାତ୍ୟାର ରୂପ ନେଇଛି । ଯାହାକୁ ‘ମହା’ ନାମ ଦିଆଯାଇଛି । ଆଗାମୀ ୧୨ ଘଣ୍ଟା ମଧ୍ୟରେ ଏହାର ପ୍ରଭାବ ଦୁର୍ବଳ ହୋଇ ସାଇକ୍ଲୋନିକ ଷ୍ଟର୍ମର ରୂପ ନେବାର ସମ୍ଭାବନା ରହିଛି ।

ଭାରତୀୟ ପାଣିପାଗ ବିଜ୍ଞାନ ବିଭାଗର ସୂଚନା ଅନୁଯାୟୀ ବାତ୍ୟା ‘ମହା’ ପୂର୍ବ ଆରବ ସାଗରରେ ପହଁଞ୍ଚିବା ପୂର୍ବରୁ ଲକ୍ଷଦ୍ୱୀପ ଆଡ଼କୁ ଚାଲିଯିବ । ସେଥିପାଇଁ ଲକ୍ଷଦ୍ୱୀପରେ ଆଜି ପ୍ରବଳରୁ ଅତି ପ୍ରବଳ ବର୍ଷାର ସମ୍ଭାବନା ରହିଛି । ମତ୍ସ୍ୟଜୀବିଙଙ୍କୁ ସମୁଦ୍ର ଭିତରକୁ ଯିବାକୁ ମନା କରାଯାଇଛି । ')}