ଜମ୍ମୁରେ କିରନ ରିଜିଜୁଙ୍କ କାରକୁ ଧକ୍କା ଦେଲା ଟ୍ରକ୍, ଅଳ୍ପକେ ବର୍ତ୍ତିଲେ ଆଇନ ମନ୍ତ୍ରୀ

ଜମ୍ମୁ: କେନ୍ଦ୍ର ଆଇନ ମନ୍ତ୍ରୀ କିରେନ ରିଜିଜୁଙ୍କ କାର୍ ଶନିବାର ଜମ୍ମୁ କାଶ୍ମୀରରେ ଦୁର୍ଘଟଣାର ଶିକାର ହୋଇଛି । ଜମ୍ମୁରୁ ଶ୍ରୀନଗର ଯିବା ବାଟରେ କିରଣ ରିଜିଜୁଙ୍କ କାରକୁ ଏକ ଟ୍ରକ୍ ଧକ୍କା ଦେଇଥିଲା । ଅବଶ୍ୟ ଏହି ଦୁର୍ଘଟଣାରେ କେହି ଆହତ ହୋଇନାହାନ୍ତି । ସମସ୍ତେ ସୁରକ୍ଷିତ ଅଛନ୍ତି । ପୋଲିସ କହିବା ମୁତାବିକ, ଦୁର୍ଘଟଣା ସେହି ସମୟରେ ହୋଇଥିଲା ଯେବେ ଆଇନ ମନ୍ତ୍ରୀଙ୍କ କାର୍ ଜମ୍ମୁରେ ଉଧମପୁର ପାଖ ଦେଇ ଯାଉଥିଲେ । ପୋଲିସ କହିବା ମୁତାବିକ କାରଟି ସମ୍ପୂର୍ଣ୍ଣ ଭାବେ ଫୁଲ୍ ଥିଲା ।

ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି । ଏଥିରେ ଦେଖାଯାଉଛି ଯେ ଦୁର୍ଘଟଣା ପରେ ସୁରକ୍ଷାକର୍ମୀ କେନ୍ଦ୍ରୀ ମନ୍ତ୍ରୀଙ୍କ କାର ଆଡ଼କୁ ଦୌଡ଼ିକି ଯାଉଛନ୍ତି । କାର୍ ପାଖରେ ପହଞ୍ଚି ସୁରକ୍ଷାକର୍ମୀମାନେ ମନ୍ତ୍ରୀଙ୍କ କଳା ରଙ୍ଗର ସ୍କର୍ପିଓର ଡୋର ଖୋଲୁଛନ୍ତି ଏବଂ ଲୋକମାନଙ୍କୁ ବାହାରକୁ ଆଣୁଛନ୍ତି । ଭିଡିଓରେ ଦେଖାଯାଇଛି ଯେ ଯେଉଁ ସମୟରେ କିରେନ ରିଜିଜୁ କାରରୁ ବାହାରକୁ ବାହାରୁଛନ୍ତି ସେ ସମୟରେ ବିପୁଳ ସଂଖ୍ୟାରେ ସୁରକ୍ଷାକର୍ମୀ ତାଙ୍କୁ ଘେରି ରହିଥିଲେ ।