ବିବାହ ବନ୍ଧନରେ ବାନ୍ଧି ହେବେ କି ପରିଣୀତି ଚୋପ୍ରା ଓ ରାଘବ ଚଢ଼ା ?
ମୁମ୍ବାଇ: ଅଭିନେତ୍ରୀ ପରିଣୀତି ଚୋପ୍ରାଙ୍କୁ ବିବାହ କରିବାକୁ ଯାଉଛନ୍ତି ଆମ୍ ଆଦମୀ ପାର୍ଟିର ଯୁବନେତା ରାଘବ ଚଢ଼ା । ସେମାନଙ୍କ ବିବାହକୁ ନେଇ ଏବେ ଜୋରଦାର ଚର୍ଚ୍ଚା ହେବାରେ ଲାଗିଛି । ଉଭୟଙ୍କୁ ନେଇ ଚର୍ଚ୍ଚା ସେବେ ଆରମ୍ଭ ହୋଇଥିଲା ଯେବେ ଗତ ଦିନରେ ଦୁହେଁ ସାଙ୍ଗ ହୋଇ ମଧ୍ୟାହ୍ନ ଓ ରାତ୍ର ଭୋଜନ କରି ହୋଟେଲରୁ ଫେରିବା ବେଳେ ନଜର ଆସିଥିଲେ। ଡେଟିଂ ଚର୍ଚ୍ଚାକୁ ନେଇ ରାଘବଙ୍କୁ ପ୍ରଶ୍ନ କରାଯାଇଥିଲେ ବି ସେ ପରିଣୀତିଙ୍କ ସହ ସମ୍ପର୍କ ଥିବା ନେଇ ମନା କରିନଥିଲେ କି ସ୍ବୀକାର ମଧ୍ୟ କରିନଥିଲେ । ଯାହାଫଳରେ ଏହି ଚର୍ଚ୍ଚାକୁ ଆହୁରି ବଳ ମିଳିଥିଲା ।
ତେବେ ତାଙ୍କର ଜଣେ ସମ୍ପର୍କୀୟଙ୍କ କହିବା ଅନୁଯାୟୀ ପରିଣୀତି ଏବଂ ରାଘବ ଜଣେ ଅନ୍ୟଜଣଙ୍କୁ ଡେଟ୍ କରୁଛନ୍ତି । ଏବେ ଲାଟେଷ୍ଟ ସୂଚନାନୁଯାୟୀ, ଖୁବଶୀଘ୍ର ହିଁ ସେମାନଙ୍କ ବିବାହ ନେଇ ଘୋଷଣା ହୋଇପାରେ । ରିପୋର୍ଟ ମୁତାବିକ, ପରିଣୀତି ଏବଂ ରାଘବ ୟୁକେରେ ପାଠ ପଢ଼ା ସମୟରେ ଜଣେ ଅନ୍ୟଜଣଙ୍କୁ ଜାଣିଥିଲେ । ପରିଣୀତି ମଞ୍ଚେଷ୍ଟର ବିଜନେସ୍ ସ୍କୁଲରୁ ପାଠ ପଢ଼ିଥିବା ବେଳେ ରାଘବ ଲଣ୍ଡନ ସ୍କୁଲ୍ ଅଫ ଇକୋନମିକ୍ସରୁ ପାଠ ପଢ଼ିଛନ୍ତି । ଚଳିତ ବର୍ଷ ଜାନୁଆରୀରେ ଲଣ୍ଡନରେ ଆୟୋଜିତ ୟୁକେ ଆଉଟଷ୍ଟାଣ୍ଡିଂ ଆଚିଭର୍ସରେ ମଧ୍ୟ ପରିଣୀତି ଏବଂ ରାଘବ ସାମିଲ ହୋଇଥିଲେ ।
ଏହି ଇଭେଣ୍ଟରେ ସେହି ଭାରତୀୟ ଛାତ୍ରଛାତ୍ରୀଙ୍କ ଉପଲବ୍ଧିକୁ ସେଲିବ୍ରେଟ କରାଯାଇଥିଲା ଯେଉଁମାନେ ବିଶ୍ୱବିଦ୍ୟାଳୟରୁ ପଢା ସାରିଥିଲେ । ପରିଣୀତି ଏବଂ ରାଘବଙ୍କୁ ଏହି ଅବସରରେ ସମ୍ମାନ ମଧ୍ୟ ମିଳିଥିଲା । ଆଉ ଏକ ରିପୋର୍ଟ ଅନୁସାରେ ସେମାନଙ୍କ ପରିବାର ଲୋକେ ବିବାହ ପାଇଁ କଥାବାର୍ତ୍ତା ମଧ୍ୟ ଆରମ୍ଭ କରିଦେଇଛନ୍ତି ଏବଂ ଖୁବଶୀଘ୍ର ନିର୍ବନ୍ଧ ନେଇ ଘୋଷଣା ହୋଇପାରେ । ଉଭୟଙ୍କ ପରିବାର ବିବାହକୁ ନେଇ ଚର୍ଚ୍ଚା କରିଥିଲେ ଯାହାପରେ ସେମାନେ ନିକଟରେ ଡିନରରେ ଏକାଠି ନଜର ଆସିଥିଲେ । ସେମାନେ ଜଣେ ଅନ୍ୟଜଣଙ୍କୁ ଜାଣିଥିଲେ ।
ଜଣେ ଅନ୍ୟଜଣଙ୍କୁ ପସନ୍ଦ କରୁଛନ୍ତି ଏବଂ ସେମାନଙ୍କ ମଧ୍ୟରେ ଅନେକ ସମାନତା ରହିଛି । ଏମଧ୍ୟରେ ଏବେ ଦୁହିଁଙ୍କ ବିବାହକୁ ନେଇ ଚର୍ଚ୍ଚା ଆରମ୍ଭ ହୋଇଛି। କୁହାଯାଉଛି ଯେ, ଦୁହିଁଙ୍କ ପରିବାର ବିବାହ ଯୋଜନା ବିଷୟରେ ଆଲୋଚନା କରିବା ଆରମ୍ଭ କରିଛନ୍ତି। ଚର୍ଚ୍ଚା ହେଉଛି ଯେ, “ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ସମାରୋହ ହୋଇନାହିଁ। କିନ୍ତୁ ଦୁହିଁଙ୍କ ପରିବାର ଏହା ଉପରେ ଆଲୋଚନା କରୁଛନ୍ତି ଏବଂ ଖୁବ୍ ଶୀଘ୍ର ବିବାହ ହେବ। ଦୁହେଁ ଏକାଠି ଥିବାରୁ ଉଭୟଙ୍କ ପରିବାର ଖୁସି। କିନ୍ତୁ ଉଭୟ ନିଜ ନିଜ କାମରେ ବ୍ୟସ୍ତ ଥିବାରୁ କୌଣସି ସମାରୋହ ପାଇଁ ତାରିଖ ସ୍ଥିର କରାଯାଇପାରିନାହିଁ।” ପରିଣୀତିଙ୍କ ସହ ଭେଟଘାଟ ପରେ ଯେବେ ରାଘବ ଚଢ଼ା ଦିଲ୍ଲୀ ପହଞ୍ଚିଥିଲେ ତେବେ ଗଣମାଧ୍ୟମ ପ୍ରତିନିଧି ପରିଣୀତିଙ୍କୁ ନେଇ ତାଙ୍କୁ ପ୍ରଶ୍ନ ପଚାରିଥିଲେ ।
ଏହା ଉପରେ ସେ କହିଥିଲେ ଯେ, ଆପଣ ମୋତେ ରାଜନୀତି ସହ ସମ୍ବନ୍ଧିତ ପ୍ରଶ୍ନ ପଚାରନ୍ତୁ । ପରିଣୀତିଙ୍କୁ ନେଇ ପ୍ରଶ୍ନ କରନ୍ତୁନି । ଯେବେ ତାଙ୍କୁ ପଚରାଯାଇଥିଲା ଯେ କଣ ସେ ବିବାହ କରିବାକୁ ଯାଉଛନ୍ତି ତେବେ ସେ କହିଥିଲେ ଯେ ଯେବେ ହେବ ତେବେ ଆପଣଙ୍କୁ ଜଣାଇଦେବୁ । ଏବେ ଏଥିରୁ ଏକ ପ୍ରକାର ସ୍ପଷ୍ଟ ହୋଇଯାଇଛି ଯେ ଉଭୟଙ୍କ ମଧ୍ୟରେ କିଛି ଚାଲିଛି । ଏବଂ ଜାତୀୟ ଗଣମାଧ୍ୟମରେ ପ୍ରକାଶିତ ଖବରରୁ ଜଣାଯାଉଛି ଯେ ଏବେ ସେମାନେ ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି ।
ତେବେ ଜଣେ ଅଭିନେତା ଅଭିନେତ୍ରୀଙ୍କୁ ଡେଟ୍ କରିବା ଘଟଣା କିଛି ନୂଆ ନୁହେଁ । ଏହା ପୂର୍ବରୁ ଅନେକ ରାଜନେତା ଅଭିନେତ୍ରୀଙ୍କୁ ଡେଟ୍ କରିଥିବାର ଖବର ଚର୍ଚ୍ଚାରେ ରହିଥିଲା । ଏବଂ ପରବର୍ତ୍ତି ସମୟରେ ସେମାନେ ବିବାହ କରିଥିବାର ଅନେକ ନଜିର ରହିଛି । ଯେମିତିକି ନିକଟରେ ବଲିଉଡ ଅଭିନେତ୍ରୀ ସ୍ବରା ଭାସ୍କର ଏବଂ ସମାଜବାଦୀ ପାର୍ଟି ନେତା ଫରହାଦ ମହମ୍ମଦ ଡେଟ କରି ବିବାହ କରିଛନ୍ତି । ଅଭିନେତ୍ରୀ ଆୟେସା ଟାକିଆ ମଧ୍ୟ ସମାଜବାଦୀ ପାର୍ଟି ନେତା ଫରହାନ ଆଜମିଙ୍କୁ ବିବାହ କରିଛନ୍ତି । ଏବେ ପରିଣୀତି ଏବଂ ରାଘବ ମଧ୍ୟ ବିବାହ ବନ୍ଧନରେ ବନ୍ଧିହେବେ ବୋଲି ଚର୍ଚ୍ଚା ଜୋର ଧରିଛି ।
