ବରିରେ କେନ୍ଦ୍ରମନ୍ତ୍ରୀଙ୍କୁ କଳାପତାକା ଦେଖାଇଲେ କଂଗ୍ରେସ କର୍ମୀ

ଯାଜପୁର: କେନ୍ଦ୍ର ଆଦିବାସୀ କଲ୍ୟାଣ ଓ ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡାଙ୍କୁ କଳାପତକା ପ୍ରଦର୍ଶନ । ଯାଜପୁର ବରିରେ ବିରୋଧ ପ୍ରଦର୍ଶନ କଲେ ଯୁବ କଂଗ୍ରେସ କର୍ମୀ । କଳାମାଟିଆ ମୁଖ୍ୟ ରାସ୍ତାର ଗାନ୍ଧୀ ଛକରେ ବିରୋଧ କରିବା ସହ କଳା ପତାକା ଦେଖାଇଥିଲେ କଂଗ୍ରେସ କର୍ମୀ ।

ଶହ ଶହ ବିଜେପି କର୍ମୀ ଓ ପୋଲିସର କଡା ସୁରକ୍ଷା ମଧ୍ୟରେ ବି କଂଗ୍ରେସ କର୍ମୀ ମନ୍ତ୍ରୀଙ୍କ ଗାଡି ଆଗକୁ ଯାଇ କଳା ପତକା ପ୍ରଦର୍ଶନ କରିଥିବା ଦେଖିବାକୁ ମିଳିଛି । ଦୁଇ ଦିନିଆ ଯାଜପୁର ଗସ୍ତରେ ଥିବା କେନ୍ଦ୍ର ମନ୍ତ୍ରୀ ଅର୍ଜୁନ ମୁଣ୍ଡାଙ୍କ ଆଜି ଥିଲା ବରୀ ଗସ୍ତ କାର୍ଯ୍ୟକ୍ରମ ।