ଭଦ୍ରକାଳୀ ପୀଠରେ ସାତ ଦିନ ଧରି ସପ୍ତମାତୃକା ବେଶରେ ମା ଭକ୍ତ ମାନଙ୍କୁ ଦେବେ ଦର୍ଶନ

ଭଦ୍ରକ ର ଆରାଧ୍ୟ ଦେବି ମାଆ ଭଦ୍ରକାଳୀ ସର୍ବଶକ୍ତି ର ଆଧାର ଓ ଆଦ୍ୟାଶକ୍ତି । ସେ ସର୍ବବ୍ୟାପିନି, ପରମା ବିଦ୍ୟା ମହାମାୟା ଓ ପରଂବ୍ରହ୍ମ ରୂପିଣୀ । ମାଆ ଶାନ୍ତ, ପୁଣି ସୌମ୍ୟା ଓ ପରମବୈଷ୍ଣବୀ । ମାଆ ଭଦ୍ରକାଳୀଙ୍କ ନାମାନୁସାରେ ଭଦ୍ରକର ନାମକରଣ କରାଯାଇଛି । ପ୍ରସିଦ୍ଧ କାଳୀପୂଜା ଅବସରରେ ମାଆ ସାତଦିନ ଧରି ସପ୍ତମାତୃକା ବେଶରେ ଭକ୍ତ ମାନଙ୍କୁ ଦର୍ଶନ ଦେଇଥାନ୍ତି । ମାଆ ପୀଠରେ ସଦାସର୍ବଦା ବିଶ୍ଵମାତା ବେଶରେ ପୂଜା ପାଇଥାନ୍ତି । ହେଲେ ଜଗତ କଲ୍ୟାଣ ଉଦ୍ଦେଶ୍ୟରେ ପରମବୈଷ୍ଣବୀ ମା କାଳୀ ସପ୍ତମାତୃକା ବେଶରେ ଭକ୍ତ ମାନଙ୍କୁ ଦର୍ଶନ ଦେଇଥାନ୍ତି । ଭଦ୍ରକାଳୀ ପିଠ କୁ ନେଇ ଅନେକ ଲୋକମତ ପ୍ରକାଶ । ମାଆ ଙ୍କର ପବିତ୍ର ସପ୍ତମାତୃକା ବେଶ ୨୭ ତାରିଖ ଠାରୁ ୨ ତାରିଖ ପର୍ଯ୍ୟନ୍ତ ଚାଲିବ ।

ଭଦ୍ରକ ର ଏୈତିହାସିକ କାଳିପୂଜା ପାଇଁ ଚଳ ଚଞ୍ଚଳ ହୋଇଛି ଚରମ୍ପା ବଜାର। ତେବେ କାଲି ମଧ୍ୟରାତ୍ରୀରୁ ୧୦ ଦିନ ଧରି ଆୟୋଜିତ ପ୍ରସିଦ୍ଧ କାଳିପୂଜା ପାଇଁ ବିଭିନ୍ନ ପୂଜା ମଣ୍ଡପ ପକ୍ଷରୁ ବ୍ୟାପକ ଆୟୋଜନ କରାଯାଇଛି। ମା ଭଦ୍ରକାଳୀ ପୀଠରେ ପୂଜା ପାଉଥିବା ବେଳେ ପ୍ରକୃତ ପୂଜାର ମାହୋଲେ ଦେଖିବାକୁ ମିଳେ ଚରମ୍ପା ଅଞ୍ଚଳରେ। କାଳୀପୂଜା କ୍ଷେତ୍ରରେ ସର୍ବପୁରାତନ ପୂଜା ଭାବେ ପଥରକାଳି ପୂଜା ମଣ୍ଡପ ନାଁ ରହିଛି ।

୧୯୩୮ ମସିହା ରୁ ଏଠାରେ ପୂଜା ପାଉଛନ୍ତି ମା କାଳୀ । ଏଠାରେ କାଳୀଙ୍କ ମୂର୍ତ୍ତି ପଥରରେ ନିର୍ମିତ୍ତ ଏବଂ ସେହି ବର୍ଷରୁ ସବୁଦିନ ପୂଜା ପାଇଥାନ୍ତି ମା କାଳୀ । କାଳୀପୂଜା ସମୟରେ ଏଠାରେ ଘଟ ଉତ୍ଥାପନ କରାଯାଇ ପାର୍ଶ୍ଵମୂର୍ତ୍ତିଙ୍କୁ ପୂଜା କରାଯିବା ସହ ବିସର୍ଜନ କରାଯାଇଥାଏ। ବହୁଦିନରୁ ଭଦ୍ରକାଳୀ ପୀଠରୁ ଆଜ୍ଞାମାଳ ନିଆଯାଇ ଚରମ୍ପା ପୂଜା ମଣ୍ଡପ ରେ ମା ପୂଜା ପାଇଆସୁଛନ୍ତି। ସେହିଦିନ ଠାରୁ ପୂଜାର ମାହୋଲ ଚରମ୍ପା ଠାରେ ଦେଖିବାକୁ ମିଳେ। ୧୦ ଦିନ ଯାକ କେବଳ ଭଦ୍ରକ ନୁହେଁ ପଡୋଶୀ ବାଲେଶ୍ୱର, ଯାଜପୁର, କେନ୍ଦ୍ରାପଡା, କେନ୍ଦୁଝର ସମେତ ରାଜ୍ୟ ବାହାରୁ ମଧ୍ୟ ହଜାର ହଜାର ଦର୍ଶକ ମାନଙ୍କ ଗହଳି ଲାଗିଥାଏ

ଅନ୍ୟ ପକ୍ଷରେ ପ୍ରାଚୀନ ଶକ୍ତିପୀଠ ମାନଙ୍କ ମଧ୍ୟରୁ ମା ଭଦ୍ରକାଳୀ ପିଠ ପୁରାଣ ପ୍ରସିଦ୍ଧ। ପବିତ୍ର ଜଳରାଶି ସାଳନ୍ଦୀ ନଦୀ କୂଳରେ ଅବସ୍ଥିତ ଏହି ପିଠରେ ମା ସଦା ସର୍ବଦା ବିଶ୍ଵମାତା ରୂପରେ ଭକ୍ତଙ୍କୁ ଦର୍ଶନ ଦିଅନ୍ତି। ହେଲେ ଜଗତ କଲ୍ୟାଣ ଉଦ୍ଦେଶ୍ୟରେ ପରମ ବୈଷ୍ଣବୀ ମା ଭଦ୍ରକାଳୀ ଆଜି ଠାରୁ ସପ୍ତମାତୃକା ବେଶରେ ଭକ୍ତମାନଙ୍କୁ ଦର୍ଶନ ଦେଉଛନ୍ତି। ଶୁଭାଧିବାସ, ମାନସିକ ଧାରୀ କଳସ ଶୋଭାଯାତ୍ରା, ଘଟସ୍ଥାପନ, ଶତଚଣ୍ଡୀ ପାଠ, ବିଶ୍ଵ ଶାନ୍ତି ମହାଯଜ୍ଞ ସହ ଆରମ୍ଭ ହୋଇଛି ମା ଙ୍କର ସପ୍ତ ଦିବସ ବ୍ୟାପି ବିଶେଷ ପୂଜା ରୀତିନୀତି ।

ପ୍ରଥମ ଦିନରେ ମା ବେଦମାତା ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ। ଏହି ବେଶ ଦର୍ଶନ କଲେ ଦିବ୍ୟ ଜ୍ଞାନ ଅର୍ଜନ ସହିତ ସମସ୍ତ ମନସ୍କାମନା ପୂର୍ଣ୍ଣ ହୁଏ ବୋଲି ବିଶ୍ଵାସ ରହିଛି। ଆଜି ଦ୍ବିତୀୟ ଦିନରେ ମହାକାଳୀ ଵେଶ। ଭଦ୍ରକର ଅଧିଷ୍ଠାତ୍ରୀ ଦେଵୀ ଭଦ୍ରକାଳୀ ସଵୁଦିନ ଶାନ୍ତ ରୂପେ ଦର୍ଶନ ଦେଉଥିଵା ଵେଳେ ଆଜି ଉଗ୍ରରୂପେ ଦର୍ଶନ ଦେଉଛନ୍ତି। ପୃଥିବୀକୁ ଶତୃଙ୍କୁ ସଂହାର କରିବା ପାଇଁ ଏହି ଵେଶ ଧାରଣ କରିଥାନ୍ତି ବୋଲି ବିଶ୍ଵାସ ରହିଛି। ତେଣୁ ବହୁ ଦୂର ଦୁରାନ୍ତରୁ ମା ଙ୍କର ଏହି ବେଶ ଦର୍ଶନ କରିବା ପାଇଁ ଅନେକ ଶ୍ରଦ୍ଧାଳୁ ଭକ୍ତମାନେ ଆସୁଛନ୍ତି ଏହି ଶକ୍ତିପୀଠକୁ । କାଲି ମାଙ୍କ ରାଜ ରାଜେଶ୍ୱରୀ ବେଶ ପରେ ସିଂହ ବାହିନୀ, ଜଗଦ୍ଧାତ୍ରୀ, ମହା ସରସ୍ଵତୀ ଏବଂ ଶେଷରେ ମା ମହାଲକ୍ଷ୍ମୀ ବେଶରେ ଭକ୍ତମାନଙ୍କୁ ଦର୍ଶନ ଦେବେ ।

ଭଦ୍ରକରୁ ସୌମ୍ୟରଞ୍ଜନ ପାଢ଼ୀ

  ')}