ବିଜେପି ମନ୍ତ୍ରୀଙ୍କୁ ଅଖିଳେଶଙ୍କ ପ୍ରଶ୍ନ, ହସିଲେ ଯୋଗୀ ଆଦିତ୍ୟନାଥ

ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭାରେ ଚାଲିଛି ବଜେଟ ଅଧିବେସନ  । ବିଧାନସଭାରେ ଯୋଗୀ ଆଦିତ୍ୟନାଥ ସରକାରଙ୍କ ଉପରେ ଜୋରଦାର ବର୍ଷିଛନ୍ତି ବିରୋଧି ଦଳ ନେତା ଅଖିଳେଶ ଯାଦବ  । ଆଉ ଏମିତି ଢଙ୍ଗରେ ସେ କଟାକ୍ଷ କରୁଥିଲେ ଯେ, ବିଧାନସଭାରେ ହସରେ ଉଠୁଥିଲା-ପଡୁଥିଲା  । ଏମିତିକି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ହସି ପକାଇଥିଲେ  ।

ସମାଜବାଦୀ ପାର୍ଟି ମୁଖ୍ୟ ତଥା ବିରୋଧି ଦଳ ନେତା ଅଖିଳେଶ ଯାଦବ କହିଥିଲେ, ଆମ ରାଜ୍ୟ ସରକାର ଗ୍ଲୋବାଲ ଇନଭେଷ୍ଟମେଣ୍ଟ କରିବାକୁ ଯୋଜନା ଚଳାଇଛନ୍ତି  । ବିଶ୍ୱର ଅନେକ ଦେଶକୁ ଯାଇ ନିବେଶକଙ୍କୁ ନିମନ୍ତ୍ରଣ କରୁଛନ୍ତି  । କିନ୍ତୁ ଆମେରିକା ରାସ୍ତାରେ ଷଣ୍ଢ ଶୋଇଥିବା ଦେଖିଛନ୍ତି କି ? ମନ୍ତ୍ରୀ ସୁରେଶ ଖାନ୍ନାଙ୍କ ଇଙ୍ଗିତ କରି ଅଖିଳେଶ କହିଥିଲେ, ଆପଣ ଆମେରିକା ରାସ୍ତାରେ ଷଣ୍ଢ ଶୋଇଥିବା ଦେଖିଛନ୍ତି କି ? ଅଖିଳେଶଙ୍କ ଏଭଳି ପ୍ରଶ୍ନ ଶୁଣି ବିଧାନସଭାରେ ଉପସ୍ଥିତ ଅନ୍ୟ ସଦସ୍ୟ ମଧ୍ୟ ହସିବାକୁ ଲାଗିଥିଲେ  । ଗୃହର ନେତା ଯୋଗୀ ଆଦିତ୍ୟନାଥ ମଧ୍ୟ ହସକୁ ରୋକି ପାରିନଥିଲେ  ।

ଅଖିଳେଷ ଯାଦବ ବ୍ଜେପି ନେତାଙ୍କୁ ଟାର୍ଗେଟ କରି କହିଥିଲେ, ନିବେଶ ଲୋନ ପାଇଁ କେତେ ଦେଶ ଗଲେ ଆପଣ  । କଣ କେଉଁ ଦେଶରେ ଦେଖିଛନ୍ତି କି ରାସ୍ତାରେ ଷଣ୍ଢ ଶୋଇବାର ? ଯଦି ଜାଣିଥିବେ ଅର୍ଥମନ୍ତ୍ରୀ ଉତ୍ତର ଦେବାକୁ କହିଥିଲେ ଅଖିଳେଶ  । ଆମେରିକା ରାସ୍ତାରେ ଷଣ୍ଢ ଦେଖିଲେ କି ବୋଲି ପ୍ରଶ୍ନ କରିଥିଲେ ଅଖିଳେଶ ଯାଦବ  ।

ସପା ଅଧ୍ୟକ୍ଷ ଅଖିଳେଶ ଯାଦବ କହିଛନ୍ତି, ରାଜ୍ୟରେ ଅନେକ ଲୋକଙ୍କ ଜୀବନ ଯାଉଛି  । ଅନେକ ପ୍ରତିଷ୍ଠିତ ବ୍ୟକ୍ତି ସଡ଼କ ଦୁର୍ଘଟଣାରେ ପ୍ରାଣ ହରାଉଛନ୍ତି   । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ନିଯୁକ୍ତ ଅଫିସର ମଧ୍ୟ ସଡକ ଦୁର୍ଘଟଣାରେ ପ୍ରାଣ ହରାଇଛନ୍ତି  । ତାଙ୍କ ପରିବାର ଲୋକ ମଧ୍ୟ ପ୍ରାଣ ହରାଇଛନ୍ତି  । ସଡ଼କ ଦୁର୍ଘଟଣାରେ ୟୁପିରେ ଅଧିକ ଲୋକଙ୍କ ପ୍ରାଣହାନୀ ଘଟୁଛି  । ପଶୁଙ୍କ ପାଇଁ ଅଧିକାଂଶ ଲୋକ ସଡକ ଦୁର୍ଘଟଣାର ଶିକାର ହେଉଛନ୍ତି  । ଏଥିପାଇଁ ଆମେ ୧୦ ଲକ୍ଷ ଟଙ୍କା କ୍ଷତିପୂରଣ ଦାବି କରୁଛୁ ବୋଲି କହିଥିଲେ ଅଖିଳେଶ ଯାଦବ  ।

ଅଖିଳେଶ କହିଥିଲେ, ଏହା କମାଲ ରାଜ୍ୟ  । ଏଠି କେବଳ ଷଣ୍ଢ ହିଁ ଷଣ୍ଢ  । ରାଜଧାନୀରେ ଷଣ୍ଢ, ରାଜରାସ୍ତାରେ ଷଣ୍ଢ  । ଯୁଆଡେ ଦେଖିବ ସିଆଡ଼େ ଷଣ୍ଢ  । ପ୍ରଧାନମନ୍ତ୍ରୀଙ୍କ ଭାଷଣ ଉପରେ ସାଧାରଣ ଲୋକଙ୍କ ଭରସା ଥିଲା  । କିନ୍ତୁ ଏଠି ଷଣ୍ଢ ସଂଖ୍ୟା ବଢିଗଲାଣି  । ଗୋଟେପଟେ ସଡକ ଦୁର୍ଘଟଣାରେ ରାଜ୍ୟରେ ମୃତ୍ୟୁ ସଂଖ୍ୟା ବଢୁଥିବାବେଳେ, ଗୋଟେପଟେ ରାଜ୍ୟରେ ଷଣ୍ଢ ସଂଖ୍ୟା ବୃଦ୍ଧି ଘଟିବାରେ ଲାଗିଛି  । ଯାହାକୁ ନେଇ ଗ୍ଲୋବାଲ ଇନଭେଷ୍ଟମେଣ୍ଟ ସହ ସଡକ ଦୁର୍ଘଟଣାକୁ କଟାକ୍ଷ କରି ରାଜ୍ୟ ସରକାରଙ୍କ ଉପରେ ବର୍ଷିଥିଲେ ଅଖିଳେଶ  ।