ଭାରତରେ ବ୍ୟାନ୍ ହେବନି BBC, ସୁପ୍ରିମକୋର୍ଟ କହିଲେ, ଏହା ଶୁଣାଣି ଯୋଗ୍ୟ ନୁହେଁ

ନୂଆଦିଲ୍ଲୀ: ଭାରତରେ BBC ବା ବ୍ରିଟିସ ବ୍ରଡକାଷ୍ଟିଂ କର୍ପୋରେସନ ଚ୍ୟାନେଲ ବ୍ୟାନ ହେବନି । ଏହାକୁ ବ୍ୟାନ କରିବା ନେଇ ସୁପ୍ରିମକୋର୍ଟରେ ହୋଇଥିବା ଆବେଦନ ଖାରଜ ହୋଇଯାଇଛି । ଏହାପରେ କେନ୍ଦ୍ର ସରକାରଙ୍କୁ ବଡ଼ ଝଟକା ଲାଗିଛି । ଏ ନେଇ ସୁପ୍ରିମକୋର୍ଟ ବିରକ୍ତି ପ୍ରକାଶ କରିଛନ୍ତି । କହିଛନ୍ତି, ଆପଣ ଏଭଳି ଯୁକ୍ତି କେମିତି କରୁଛନ୍ତି । ଏହା ପୂରାପୁରି ଭୁଲ । ଏହି ଆବେଦନ ଶୁଣାଣି ଯୋଗ୍ୟ ନୁହେଁ । ଏମିତି କହି ଜଷ୍ଟିସ ସଞ୍ଜୀବ ଖାନ୍ନା ଆବେଦନକୁ ଖାରଜ କରିଦେଇଥିଲେ ।

୨୦୦୨ ମସିହାରେ ଗୁଜୁରାଟ ଦଙ୍ଗା ଉପରେ ଆଧାରିତ ପ୍ରାମାଣିକ ଚଳଚ୍ଚିତ୍ର ତିଆରି ନେଇ ବିବାଦ ଘେରରେ ଅଛି ବିବିସି । ଏ ନେଇ ପ୍ରସ୍ତୁତ କରିଥିବା ଡକ୍ୟୁମେଣ୍ଟାରିକୁ କେନ୍ଦ୍ର ସରକାର ବେଆଇନ ଘୋଷଣା କରିଛନ୍ତି । ଏହି ନିଷ୍ପତ୍ତିକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟର ଜନସ୍ବାର୍ଥ ମାମଲା ଦାଏର ହୋଇଥିଲା ।