ଭୂକମ୍ପ ନେଇ ଭବିଷ୍ୟବାଣୀ କରିଥିଲେ ୟୁରୋପର ବୈଜ୍ଞାନିକ

ନୂଆଦିଲ୍ଲୀ : ତୁର୍କୀ ଭୂକମ୍ପ ନେଇ ଭବିଷ୍ୟବାଣୀ କରିଥିଲେ ୟୁରୋପର ବୈଜ୍ଞାନିକ । ତୁର୍କୀରେ ଖୁବଶୀଘ୍ର ପ୍ରଳୟଙ୍କରୀ ଭୂକମ୍ପ ଆସିବ ବୋଲି ଡଚ୍ ସାଇଣ୍ଟିଷ୍ଟ ଫ୍ରାଙ୍କ ହୋଗରବିଟସ କହିଥିଲେ । ସୋଲାର ସିଷ୍ଟମ ଜିଓଗ୍ରାଫିକ ସର୍ଭେର ଏହି ରିସର୍ଚ୍ଚର ସୋସିଆଲ ମିଡିଆରେ ଏ ନେଇ ସତର୍କ କରାଇଥିଲେ । ଏ ନେଇ ଫେବୃଆରୀ ୩ ତାରିଖରେ ସେ ଟୁଇଟ କରିଥିଲେ ।

ସେ କହିଥିଲେ ଆଜି ନୁହେଁ ତ କାଲି, ଖୁବଶୀଘ୍ର ତୁର୍କୀରେ ୭.୫ ତୀବ୍ରତାର ଭୂକମ୍ପ ଅନୁଭୂତ ହେବ । ଏଥିରେ ୨ହଜାରରୁ ଊର୍ଦ୍ଧ୍ବ ଲୋକଙ୍କର ମୃତ୍ୟୁ ହେବ ଓ ହଜାର ହଜାର ଲୋକ ଗୁରୁତର ହେବେ । ନିଜ ଟୁଇଟର ପୋଷ୍ଟରେ ସେ ଏକ ମ୍ୟାପ ମଧ୍ୟ ପୋଷ୍ଟ କରିଥିଲେ । ସୋମବାର ତୁର୍କୀରେ ଶକ୍ତିଶାଳୀ ଭୂକମ୍ପ ଝଟକା ପରେ ତିନି ଦିନ ତଳେ ଡଚ୍ ସାଇଣ୍ଟିଷ୍ଟ କରିଥିବା ଏହି ଟୁଇଟ ଭାଇରାଲ ହେବାରେ ଲାଗିଛି । ଏବେ ସୁଦ୍ଧା ୩୨ଲକ୍ଷ ଭିଉଜ ଓ ୩୨ହଜାରରୁ ଊର୍ଦ୍ଧ୍ବ ରିଟୁଇଟ କରାଯାଇଛି ।