ପାହାଡ ଧସିବା ଗାଁ ପରିଦର୍ଶନ କଲେ ମନ୍ତ୍ରୀ ଜଗନ୍ନାଥ ସାରକା

ଗଜପତି ଜିଲ୍ଲା ଗୁମ୍ମା ବ୍ଳକ ଅନ୍ତର୍ଗତ ତିତିସିଂ ଓ କୁଲଙ୍ଗ ଗ୍ରାମରେ ପାହାଡ ଧସିବା ଘଟଣା ସ୍ଥଳ ପରିଦର୍ଶନ କଲେ ଆଦିବାସୀ ଉନ୍ନୟନ ମନ୍ତ୍ରୀ ଜଗନ୍ନାଥ ସାରକା  । ମନ୍ତ୍ରୀଙ୍କ ସହ  ସାଂସଦ ଚନ୍ଦ୍ରଶେଖର ସାହୁ ଓ ଜିଲ୍ଲା ପ୍ରଶାସନର ଏକ ଟିମ୍‌ ମଧ୍ୟ ଗସ୍ତ କରିଛନ୍ତି । କ୍ଷତିଗ୍ରସ୍ତ ହୋଇଥିବା ପରିବାରକୁ ସରକାର ସହାୟତା ଯୋଗାଇଦେବା ପାଇଁ ପ୍ରତିଶ୍ରୁତି ସହ ଆଗାମୀ ଦିନରେ ସେମାନଙ୍କୁ ଥଇଥାନ କରିବା ପାଇଁ ପଦକ୍ଷେପ ନେବା ପ୍ରତିଶ୍ରୁତି ଦେଇଛନ୍ତି । ଏଥିସହ ଘର ନଷ୍ଟ ହୋଇଥିବା ପରିବାରକୁ ୧ ଲକ୍ଷ ଟଙ୍କା ଲେଖାଏଁ ସହାୟତା ରାଶି ସହ ଆସବାବପତ୍ର ନିମନ୍ତେ ଅର୍ଥ ଏବଂ ସରକାରୀ ଯୋଜନାରେ ଘର ପାଇଁ କାର୍ଯ୍ୟାଦେଶ ବଣ୍ଟନ କରିଛନ୍ତି । ଏହି ଘଟଣା ଘଟିବା ପରେ ପ୍ରଶାସନିକ ଅଧିକାରୀ ପହଞ୍ଚି ତତକ୍ଷଣାତ ସମସ୍ତ ପରିବାରକୁ ରହିବା ଖାଇବା ବ୍ୟବସ୍ଥା କରିଛନ୍ତି । ସ୍ଥିତିରେ ସୁଧାର ଆସିବା ପର୍ଯ୍ୟନ୍ତ ରିଲିଫ କୋଡ ଅନୁଯାୟୀ ସମସ୍ତ ସହାୟତା ଯୋଗାଇ ଦିଆଯିବ ବୋଲି ସୂଚନା ଦେଇଛନ୍ତି ଆଦିବାସୀ ଉନ୍ନୟନ ମନ୍ତ୍ରୀ। ')}