ଋଷ ରାଷ୍ଟ୍ରପତିଙ୍କ ଦେହାନ୍ତ ଆଶଙ୍କା, ଦେଖିବାକୁ ମିଳୁନାହାନ୍ତି ପୁଟିନ

କିଭ୍: ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଦେହାନ୍ତ ହୋଇଥିବା ଆଶଙ୍କା କରାଯାଉଛି । ସେ ବଞ୍ଚିଛନ୍ତି କି ନାହିଁ ତାହା କହିବା ଅସମ୍ଭବ । ଓ୍ବାର୍ଲ୍ଡ ଇକୋନୋମିକ୍ ଫୋରମରେ ଯୋଗ ଦେଇ ଏଭଳି କହିଛନ୍ତି ୟୁକ୍ରେନ ରାଷ୍ଟ୍ରପତି ଜେଲେନସ୍କି । ସେଠାରେ ଆୟୋଜିତ ଏକ କାର୍ଯ୍ୟକ୍ରମରେ ଏଭଳି କହିଥିବା ଗଣମାଧ୍ୟମରେ ଚର୍ଚ୍ଚା ହେଉଛି । ପୁଟିନଙ୍କୁ ଏବେ ଲୋକେ ଦେଖିବାକୁ ପାଉନାହାନ୍ତି । କେବଳ ତାଙ୍କର ଭିଡିଓ ବାର୍ତ୍ତା ଜାରି କରାଯାଉଛି । ତାଙ୍କ କହିବା ଶୈଳୀରେ ଅନେକ ପରିବର୍ତ୍ତନ ଆସିଛି । ଯଦି ପୁଟିନଙ୍କ ମୃତ୍ୟୁ ହୋଇଛି ଋଷରେ ଏବେ କିଏ ନିଷ୍ପତ୍ତି ନେଉଛି ବୋଲି ପ୍ରଶ୍ନ କରିଛନ୍ତି ଜେଲେନସ୍କି ।

ସେପଟେ ଜେଲେନସ୍କିଙ୍କ ଏଭଳି ବୟାନକୁ ନିନ୍ଦା କରିଛନ୍ତି ଋଷ ସରକାର । ଖୁବଶୀଘ୍ର ଋଷ ଅଧିନରେ ୟୁକ୍ରେନ ଶାସିତ ହେବ ବୋଲି କହିଛନ୍ତି । ଋଷ ଓ ପୁଟିନଙ୍କ ପ୍ରତି ଜେଲେନସ୍କିଙ୍କ ଭୟ ଥିବା ସ୍ପଷ୍ଟ ଜଣାପଡ଼ୁଛି ବୋଲି ଋଷ କହିଛି । ଏପଟେ ପଶ୍ଚିମ ଦେଶମାନଙ୍କୁ ଯୁଦ୍ଧାସ୍ତ୍ର ଯୋଗାଇବା ପାଇଁ ଅପିଲ କରିଛନ୍ତି ଜେଲେନସ୍କି । ବିଶେଷ କରି ଅଧିକ ଟ୍ୟାଙ୍କର ଆବଶ୍ୟକତା ରହିଛି । ଟ୍ୟାଙ୍କ ସାହାଯ୍ୟରେ ୟୁକ୍ରେନରେ ଋଷ ସେନାକୁ ଭୟଭୀତ କରିହେବ ବୋଲି ଜେଲେନସ୍କି କହିଛନ୍ତି ।