ଶୀତରୁ ମିଳୁଛି ଆଶ୍ୱସ୍ତି, ଦୁଇରୁ ତିନି ଡିଗ୍ରୀ ଯାଏ ପାରଦ ଉପରମୁହାଁ

ଭୁବନେଶ୍ୱର: ବଢିଲା ପାରା, କମିଲା ଶୀତ । ଥଣ୍ଡାରୁ ମିଳିଲା ସାମାନ୍ୟ ଆଶ୍ବସ୍ତି । ଦୁଇରୁ ତିନି ଡିଗ୍ରୀ ବଢିଛି ରାତିର ତାପମାତ୍ରା । ଆସନ୍ତା ୪ଦିନ ପର୍ଯ୍ୟନ୍ତ ଶୀତ କମ୍ ରହିବା ନେଇ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଗତକାଲି ୧୦ ଡିଗ୍ରୀ ତଳେ ରହିଥିଲା ମାତ୍ର ୯ ସହରର ତାପମାତ୍ରା । ଜି-ଉଦୟଗିରିରେ ସବୁଠାରୁ କମ୍ ତାପାମାତ୍ରା ୫.୪ ଡିଗ୍ରୀ ରେକର୍ଡ ହୋଇଛି ।

କୋରାପୁଟ ଓ ଫୁଲବାଣୀରେ ୬ ଡିଗ୍ରୀ ପାରା ରେକର୍ଡ କରାଯାଇଥିବା ବେଳେ ଝାରସୁଗଡ଼ାରେ ୭.୮, ସୁନ୍ଦରଗଡରେ ୮.୫, ଭବାନୀପାଟଣାରେ ୮.୮ ଡିଗ୍ରୀ ପାରଦ ରେକର୍ଡ କରାଯାଇଛି । ଭୁବନେଶ୍ବରରେ ଆଜି ୧୨.୬ ଡିଗ୍ରୀ ତାପାମାତ୍ରା ରେକର୍ଡ କରାଯାଇଛି । ଆଜି ଗଞ୍ଜାମ, କନ୍ଧମାଳ, ପୁରୀ, ଖୋର୍ଦ୍ଧା, କଟକ, ଅନୁଗୁଳ, ଢେଙ୍କନାଳରେ ଘନ କୁଡୁଡି ନେଇ ସତର୍କ ସୂଚନା ଜାରି କରିଛି ପାଣିପାଗ କେନ୍ଦ୍ର ।