ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ପୋଲିସ ବାବୁଙ୍କ ଘରେ ରେଡ୍, ମିଳୁଛି କୋଟି କୋଟି ଟଙ୍କାର ସମ୍ପତ୍ତି
1 min read
ଭୁବନେଶ୍ୱର: ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ରେଡ । ତମଣ୍ଡୋ ଥାନା SI ଅଭିମନ୍ୟୁ ଚୌଧୁରୀଙ୍କ ଘରେ ଭିଜିଲାନ୍ସ ଛାପା । ଭୁବନେଶ୍ୱରର ୩ଟି ସ୍ଥାନରେ ରେଡ କରୁଛି ଭିଜିଲାନ୍ସ।
ସୂଚନା ଅନୁଯାୟୀ, ପାଇକନଗରର ୪ ତାଲା ବିଲ୍ଡିଂ, ନୟାଗଡ଼ ନଛିପୂରର ଗୋଟେ ମହଲା ଘର ସମେତ ତମଣ୍ଡୋ ଥାନାର ଏସଓ ଅଫିସରେ ଏକକାଳୀନ ରେଡ କରୁଛି ଭିଜିଲାନ୍ସ । ଏହି ରେଡ୍ରେ ସାମିଲ ଅଛନ୍ତି ୩ଜଣ ଡ଼ିଏସପି, ୧୧ଜଣ ଇନ୍ସପେକ୍ଟର ଓ ୬ଜଣ ଏସଆଇ।
ତମାଣ୍ଡୋ ଥାନା ଏସଆଇଙ୍କ କୋଟି କୋଟି ଟଙ୍କାର ସମ୍ପତ୍ତି। ଭୁବନେଶ୍ବରରେ ଆଉ ଦୁଇଟି ଜମି, ୮୬ ଲକ୍ଷର ବ୍ୟାଙ୍କ ଡିପୋଜିଟ୍ ଠାବ କରିଛି ଭିଜିଲାନ୍ସ । ଘରୁ ମିଳିଛି ୨ଟି ମାରଣାନ୍ସ । ଖଣ୍ଡା ସହ ଚାପଡ଼ ଜବତ ହୋଇଛି । ଅଭିମନ୍ୟୁ ଚୌଧୁରୀ ଓ ତାଙ୍କ ସମ୍ପର୍କୀୟଙ୍କ ୧୪ଟି ବ୍ୟାଙ୍କ ଆକାଉଣ୍ଟରୁ ୮୬ଲକ୍ଷ ୮୩ହଜାର ୧୬୨ଟଙ୍କା ଠାବ କରିଛି ଭିଜିଲାନ୍ସ ଟିମ। ପାଇକନଗର ଘରୁ ୧.୫ ଲକ୍ଷ ନଗଦ ଟଙ୍କା ଓ ଲକ୍ଷାଧିକ ଟଙ୍କାର ସୁନା ଠାବ ହୋଇଛି। ଭୁବନେଶ୍ୱର ପାଇକ ନଗର ଓ ୩ଟି ପ୍ଲଟ ସମେତ ନୟାଗଡ଼ ପ୍ଲଟର ଲ୍ୟାଣ୍ଡ ଭ୍ୟାଲୁ ୧ କୋଟିରୁ ଉର୍ଦ୍ଧ୍ୱ ହେବ ବୋଲି ଆକଳନ କରିଛି ଭିଜିଲାନ୍ସ ଟିମ ।
