ରାଜଧାନୀରେ ଚାଞ୍ଚଲ୍ୟ; ବନ୍ଦଘରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର

ଭୁବନେଶ୍ୱର: ରାଜଧାନୀରେ ଚାଞ୍ଚଲ୍ୟ । ବନ୍ଦଘରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର । ପ୍ରେମିକାର ଘରେ ଝୁଲି ପଡିଲେ ପ୍ରେମୀଯୁଗଳ । ସାଲିଆସାହି ଶ୍ରୀରାମ ନଗରରେ ଘଟିଛି ଅଭାବନୀୟ ଘଟଣା । ପ୍ରେମିକାର ଓଢଣୀରେ ପ୍ରେମିକ ଓ ରସି ଲଗାଇ ପ୍ରେମିକା ଆତ୍ମହତ୍ୟା କରିଛନ୍ତି । ଉଭୟଙ୍କର ଘର ଗଞ୍ଜାମ ଜିଲ୍ଲାରେ ହୋଇଥିବାବେଳେ ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି ।

ମୃତ ଯୁବକ ବିଜୟଓ୍ବାଡାରେ କାମ କରୁଥିବାବେଳେ ଗତକାଲି ଭୁବନେଶ୍ବର ଆସିଥିଲେ । ଗତକାଲି ସନ୍ଧ୍ୟାରେ ଘରେ କେହି ନଥିବାବେଳେ ଉଭୟ ଆତ୍ମହତ୍ୟା କରିଛନ୍ତି । ପରିବାର ଲୋକଙ୍କ ସୂଚନା ପରେ କବାଟ ଭାଙ୍ଗି ଝୁଲନ୍ତା ମୃତଦେହକୁ ଉଦ୍ଧାର କରିଛି ନୟାପଲ୍ଲୀ ପୋଲିସ । ମୃତ ପ୍ରେମିକାଙ୍କର ବିବାହ ପାଇଁ ଅନ୍ୟ ସ୍ଥାନରେ ପ୍ରସ୍ତାବ ପଡ଼ିବାରୁ ଆତ୍ମହହତ୍ୟା କରିଥିବା ଜଣାପଡ଼ିଛି । ପୋଲିସ ଶବ ଦ୍ୱୟକୁ ବ୍ଯବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି ।