ଟିକସ ଫାଙ୍କିବା ପଡିଲା ମହଙ୍ଗା, ୨ଟି ଟ୍ରକକୁ ୨କୋଟି ଫାଇନ୍
ମୟୂରଭଞ୍ଜ: ଦୁଇଟି ଟ୍ରକକୁ ୨କୋଟି ଟଙ୍କା ଫାଇନ୍ । ମାଲିକଙ୍କୁ ଟିକସ ଫାଙ୍କିବା ପଡିଲା ମହଙ୍ଗା । ଏବେ ଦୁଇଟି ଟ୍ରକ୍କୁ ଦୁଇ କୋଟିରୁ ଅଧିକ ଟଙ୍କାର ଫାଇନ୍ ପଡିଛି । ଜୋରିମାନା କରିଛନ୍ତି ସେଣ୍ଟ୍ରାଲ ଏକ୍ସସାଇଜ ଓ ଜିଏସ୍ଟି ଟିମ । ଦୁଇଟି ଟ୍ରକ ଦିଲ୍ଲୀରୁ ଭୁବନେଶ୍ବର ଅଭିମୁଖେ ଗୁଟକା ଓ ପାନ ମସଲା ନେଇ ଯାଉଥିବା ବେଳେ ମାଡିବସିଲା ବାରିପଦା ଓ ରାଉରକେଲା ସେଣ୍ଟ୍ରାଲ ଏକ୍ସସାଇଜ ଓ ଜିଏସ୍ଟି ଟିମ୍ ।
ଟ୍ରକ୍ ଦୁଇଟିରେ ପ୍ରାୟ ୬ଶହରୁ ଅଧିକ ପେଟି ପାନ ମସଲା ଥିବା ବେଳେ ସେମାନଙ୍କର କାଗଜପତ୍ର ଯାଞ୍ଚ ବେଳେ କେନ୍ଦ୍ରୀୟ ଟିକସ ଦିଆଯାଇ ନଥିବା ଜଣାପଡିଥିଲା। ୨ ଟ୍ରକ୍କୁ ଅଟକ ରଖିବା ସହ ଜରିମାନା କରିଛି ଟିମ୍ । ମୟୂରଭଞ୍ଜ ଜିଲ୍ଲା କୁଳିଅଣା ଟୋଲ ପ୍ଲାଜା ନିକଟରେ ଦୁଇଟି ଟ୍ରକକୁ ଜବତ କରାଯାଇଛି । ବାରିପଦା ସ୍ଥିତ କାର୍ଯ୍ୟାଳୟକୁ ଆଣିବା ସହ ତଦନ୍ତ ପ୍ରକ୍ରିୟା ଆରମ୍ଭ ହୋଇଛି ।
