ପୂରା ପରିବାରକୁ ମାରିଦେଲା ପୁଅ, କିଛିଦିନ ପୂର୍ବରୁ ନିଶା ନିବାରଣ କେନ୍ଦ୍ରରୁ ଫେରିଥିଲା

ନୂଆଦିଲ୍ଲୀ: ନିଶା ନିବାରଣ କେନ୍ଦ୍ରରୁ ଫେରି ପୁଅର ଜଘନ୍ୟ କାଣ୍ଡ । ପୁରା ପରିବାରକୁ ହତ୍ୟା କରିଛି ନିଶାସକ୍ତ ପୁଅ କେଶବ। ଏଭଳି ଅଘଟଣ ଘଟିଛି ଦିଲ୍ଲୀର ପାଲମ ଅଞ୍ଚଳରେ । ମାଆ, ବାପା, ଭଉଣୀ ଓ ଜେଜେ ମାଆଙ୍କୁ କେଶବ ନିଶାସକ୍ତ ଅବସ୍ଥାରେ ହତ୍ୟା କରିଛି। ପୋଲିସ ଅଭିଯୁକ୍ତକୁ ଗିରଫ କରି ତଦନ୍ତ ଚଳାଇଛି।

ପଡୋଶୀଙ୍କ ଠାରୁ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ପରେ ପରିବାରର ୪ ସଦସ୍ୟଙ୍କ ରକ୍ତ ଜୁଡୁବୁଡୁ ମୃତଦେହ ଘର ଭିତରେ ପଡ଼ିଥିବା ଦେଖିବାକୁ ପାଇଥିଲା । ଧାରୁଆ ଅସ୍ତ୍ରରେ ଆକ୍ରମଣ ଓ ଗଳା କାଟିବା ଯୋଗୁ ପରିବାରର ୪ ସଦସ୍ୟଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।

Delhi | Four members of a family including two sisters, their father and their grandmother were stabbed to death in a house in Palam area. The accused has been apprehended: Delhi Police

— ANI (@ANI) November 23, 2022

ସୂଚନା ଅନୁଯାୟୀ, ପୁଅର ନିଶା ପାଇଁ ସବୁବେଳେ ଚିନ୍ତାରେ ରହୁଥିଲେ ମା’ ଓ ବାପା। ସ୍ଥିତି ଏଭଳି ଯେ ପୁଅକୁ ନିଶା ନିବାରଣ କେନ୍ଦ୍ରକୁ ପଠାଇଥିଲେ ପରିବାର। କିଛି ଦିନ ପୂର୍ବରୁ ନିଶା ନିବାରଣ କେନ୍ଦ୍ରରୁ ଫେରିଥିଲା ପୁଅ । ତଥାପି ପୁଅର ନିଶା ଛାଡିନଥିବା ଅଭିଯୋଗ ହାେଇଛି ।