ବାହା ହେଲେ ଯୁବ ବୈଜ୍ଞାନିକ ଶେଷ କିଷାନ

ସମ୍ୱଲପୁର: ବିବାହ କଲେ ଯୁବ ବୈଜ୍ଞାନିକ ଶେଷ କିଷାନ । ନିଜ ଗାଁ ବାଲାସଙ୍ଗାରୁ ବାହାରି ରେଢ଼ାଖୋଲ ସହର ସ୍ଥିତ ବିଜୁ ପଟ୍ଟନାୟକ କଲ୍ୟାଣ ମଣ୍ଡପରେ ବିବାହ ସମ୍ପନ୍ନ ହୋଇଛି । ବାଜା, ଡିଜେ ଆଦି ପାରମ୍ପରିକ ଶୋଭାଯାତ୍ରାରେ ଘରୁ ବାହାରିଥିଲେ ଶେଷ । ବାଲେଶ୍ବର ଜିଲ୍ଲା ବାଲିଆପାଳ ଅଞ୍ଚଳର ହରେକୃଷ୍ଣ ଜେନାଙ୍କ କନ୍ୟା ଜୟଶ୍ରୀ ଜେନାଙ୍କ ହାତ ଧରିଛନ୍ତି ଶେଷ କିଷାନ । ବୈଦିକି ରୀତିନୀତିରେ ଦୁହିଁଙ୍କ ହାତଗଣ୍ଠି ପଡ଼ିଛି ।

ବରର ପିତା ମାତା ସାଜିଥିଲେ ରେଢ଼ାଖୋଲ ସହର ସ୍ଥିତ ଆଦର୍ଶ ନଗରର ସୁନନ୍ଦ ପ୍ରଧାନ ଏବଂ ତାଙ୍କ ପତ୍ନୀ । ପିଲାଦିନେ ଶେଷ ଭୁବନେଶ୍ବରରେ ପାଠ ପଢ଼ୁଥିବା ସମୟରେ ଟ୍ରେନରେ ଘରକୁ ଆସୁଥିବା ବେଳେ ସୁନନ୍ଦ ଏବଂ ତାଙ୍କ ପତ୍ନୀଙ୍କ ସହ ଦେଖା ହୋଇଥିଲା । ସେଇଠୁ ଶେଷଙ୍କ ମାତା ପିତା ସାଜିଥିଲେ ଉଭୟ । ଜୟଶ୍ରୀଙ୍କୁ ଜୀବନସାଥୀ ଭାବେ ପାଇ ଶେଷ କିଷାନ ଖୁସିଥିବା ବେଳେ, ଜ୍ବାଇଁ ଭାବରେ ଶେଷଙ୍କୁ ପାଇ ଗର୍ବ ଅନୁଭବ କରିଛନ୍ତି ଶ୍ବଶୁର ହରେକୃଷ୍ଣ ଜେନା ।