ପଦମପୁର ଉପନିର୍ବାଚନ: ଶକ୍ତି ବଢାଉଛି ବିଜେଡି, କାଲି ନାମାଙ୍କନ ଶେଷ ଦିନ

ବରଗଡ: ଉଷୁମ ହେଉଛି ପଦମପୁର ଉପନିର୍ବାଚନ ରାଜନୀତି । ଆସନ୍ତାକାଲି ପ୍ରାର୍ଥିପତ୍ର ଦାଖଲର ଶେଷ ଦିନ ଥିଲେ ବି ଏପର୍ଯ୍ୟନ୍ତ ୩ ଦଳର ପ୍ରାର୍ଥୀ ନାମାଙ୍କନ ଭରିନାହାନ୍ତି ।  ନାମାଙ୍କନ ପତ୍ର ଦାଖଲ ପାଇଁ ଆଉ ଗୋଟିଏ ଦିନ ବାକି ଥିବାବେଳେ ବିଜେଡି ଶକ୍ତି ବଢାଇବାରେ ଲାଗିଛି । ଆଜି ପଦମପୁରର ବିଭିନ୍ନ ଜୋନରେ ବିଜେଡି ବିରାଟ ସଭାକରି ଭୋଟରଙ୍କୁ ଏକଜୁଟ କରୁଛି ।

୧ ନଂ ଜୋନରେ ୮ଟି ପଞ୍ଚାୟତର ଲୋକଙ୍କୁ ନେଇ ଆଜି ସର୍ଗିବାହାଲରେ ହେବ ରାଜନୈତିକ ସଭା । ରାଜ୍ୟ ସରକାରଙ୍କ ବିଭିନ୍ନ ଜନହିତକର ଯୋଜନା ବିଷୟରେ ଭୋଟରଙ୍କୁ ସଚେତନ କରିବେ ନେତା । ସେହିପରି ଆଜି ପଦମପୁର ନିର୍ବାଚନ ମଣ୍ଡଳୀ ଅଧୀନ ପାଇକମାଳରେ ବିଜେଡିର କର୍ମୀ ସମ୍ମିଳନୀ ଆୟୋଜିତ ହେବ । ସ୍ବାସ୍ଥ୍ୟମନ୍ତ୍ରୀ ନବ ଦାସ ସମ୍ମିଳନୀରେ ସାମିଲ ହେବେ ।