ଶ୍ରଦ୍ଧା ହତ୍ୟା ମାମଲା; ଆମେରିକୀୟ କ୍ରାଇମ୍ ସିରିଜ୍ ଡେକ୍ସଟର ଦେଖି ରଚିଥିଲି ମର୍ଡର ପ୍ଲାନ

ନନ୍ଦିଘୋଷ ବ୍ୟୁରୋ: ପ୍ରେମ ପ୍ରତାରଣା ଓ ବିଭତ୍ସ ହତ୍ୟା । କଲ ସେଣ୍ଟରରୁ ଲଭ, ପରେ ଲିଭଇନ୍ ରିଲେସନସିପ । ପ୍ରେମିକାର ବିବାହ ପ୍ରସ୍ତାବକୁ ପ୍ରତ୍ୟାଖାନ । ଆଉ ଜିଦ୍ କରିବାରୁ ହତ୍ୟା କଲା ସଇତାନ୍ ପ୍ରେମିକ । ଦିଲ୍ଲୀ ଶ୍ରଦ୍ଧା ମର୍ଡର କେସ୍ ସାରା ଦେଶକୁ ସ୍ତବ୍ଧ କରିଦେଇଛି । ୨୭ ବର୍ଷୀୟା ଶ୍ରଦ୍ଧା ୱାକରଙ୍କୁ ତାଙ୍କ ଲିଭ-ଇନ ପାର୍ଟନର ଅଫତାବ ପୁନାୱାଲା ଅତ୍ୟନ୍ତ କ୍ରୁରତାର ସହ ହତ୍ୟା କରିଛି । କେବଳ ହତ୍ୟାରେ ଅଟକିନଥିଲା ଅଫତାବ । ମୃତ ଶରୀରକୁ ୩୫ ଖଣ୍ଡ କରିଥିଲା ଏବଂ ପ୍ରତି ସପ୍ତାହରେ ପଲିଥିନ ବ୍ୟାଗରେ ଶରୀରର ଅଂଶ ଭର୍ତ୍ତି କରି ଜଙ୍ଗଲରେ ପୋପାଡ଼ି ଦେଉଥିଲା ।

ଦିଲ୍ଲୀ ପୋଲିସ ତଦନ୍ତରେ ମାମଲାର ଯେଉଁ ସାଂଘାତିକ ତଥ୍ୟ ସାମ୍ନାକୁ ତାହା ସମସ୍ତଙ୍କୁ ଆତଙ୍କିତ କରିବଦେବ । ରିପୋର୍ଟ ମୁତାବିକ ଅଭିଯୁକ୍ତ ଅଫତାବ, ପୋଲିସକୁ କହିଛି ଯେ ସେ ଏକ କ୍ରାଇମ ୱେବସିରିଜ୍ ଦେଖି ଏପରି ବିଭତ୍ସ କାଣ୍ଡ ଘଟାଇଛି । ଏକ ପ୍ରସିଦ୍ଧ ଆମେରିକୀୟ କ୍ରାଇମ ସିରିଜ ‘ଡେକ୍ସଟର’ରୁ ଆଇଡିଆ ଆଣିଥିବା କଥା ସେ ସ୍ୱୀକାର କରିଛି ।

ଡେକ୍ସଟର ୱେବସିରିଜକୁ ନଜର ପକାଇଲେ, ତେବେ ସିରିଜର ଲିଡ୍ ରୋଲରେ ଥିବା ଡେକ୍ସଟର ମୋର୍ଗାନ ଏକ ଯାଞ୍ଚ ଏଜେନ୍ସି , ମିୟାମି ମେଟ୍ରୋ ପୋଲିସ ଡିପାର୍ଟମେଣ୍ଟର ଫରେନ୍ସିକ ଟେକ୍ନିସିଆନ ଥିଲା । ସେ ଦିନରେ ନିଜ ଡିପାର୍ଟମେଣ୍ଟ ପାଇଁ ଅପରାଧର ତଦନ୍ତ କରି ସମାଧାନ ତ କରୁଥିଲା, ହେଲେ ରାତିରେ ସିରିୟଲ କିଲିଂର ଜୀବନ ବଞ୍ଚୁଥିଲା । ରାତିର ଅନ୍ଧାରରେ ଡେକ୍ସଟର ସେହି ସବୁ ଅପରାଧୀଙ୍କୁ ଖୋଜି ହତ୍ୟା କରୁଥିଲା ଯେଉଁମାନଙ୍କୁ ନ୍ୟାୟ ବ୍ୟବସ୍ଥା ଉପଯୁକ୍ତ ଦଣ୍ଡ ଦେଇ ପାରୁନଥିଲା । ଶୋ’ର ପ୍ରଥମ ସିଜିନରେ ତାର ହତ୍ୟା କରିବାର ପ୍ରକ୍ରିୟା ଏହା ଥିଲା ଯେ, ସେ ନିଜ ଭିକ୍ଟିମର ଶରୀରକୁ ଖଣ୍ଡ ଖଣ୍ଡ କରି କାଟି ଦେଉଥିଲା ଏବଂ ଖଣ୍ଡ ଅଂଶବିଶେଷକୁ ଗାର୍ବେଜ ବ୍ୟାଗରେ ଭରି ଗାଡି ସହାୟତାରେ ନିଜ ବୋଟ୍ ପର୍ଯ୍ୟନ୍ତ ଆଣୁଥିଲେ । ଏହାପରେ ସେ ଏହି ବ୍ୟାଗର ଓଜନ ବଢ଼ାଇବା ପାଇଁ ଏଥିରେ ପଥର ଭରି ଡକ୍ଟ ଟେପ୍ ରେ ସିଲ କରି ଦେଉଥିଲା ଏବଂ ଗଭୀର ସମୁଦ୍ରରେ ଫୋପାଡ଼ି ଦେଉଥିଲା ।

ଅଫତାବ ପୋଲସକୁ କହିଛି ଯେ ସେ, ଶ୍ରଦ୍ଧାକୁ ଚୁପ କରାଇବାକୁ ଚାହୁଁଥିଲା, କିନ୍ତୁ ମାରପିଟରେ ତାର ଗଳା ଚିପି ଦେଇଥିଲା । ଯାହାଫଳରେ ଶ୍ରଦ୍ଧାର ମୃତ୍ୟୁ ହୋଇଯାଇଥିଲା । ଏହାପରେ ସେ ୱେବସିରିଜ୍ ଡେକ୍ସଟରର ଆଇଡିଆକୁ ଉପଯୋଗ କରିଥିଲା । ହତ୍ୟା ଘଟଣାରୁ ନିଜେ ବଞ୍ଚିବା ପାଇଁ ଡେକ୍ସଟରର ଫର୍ମୁଲା ଆପ୍ଲାଏ କରିଥିଲା । ଶ୍ରଦ୍ଧାର ମୃତଶରୀରକୁ ଷ୍ଟୋର ରଖିବା ପାଇଁ ସେ ଏକ ନୂଆ ଫ୍ରୀଜ ମଧ୍ୟ କିଣିଥିଲା କିନ୍ତୁ ଆଗାମୀ ଦୁଇ ତିନି ମାସ ଶରୀର ଖଣ୍ଡଗୁଡ଼ିକୁ ଲୁଚାଇବା ପାଇଁ ମହରୌଲୀ ଜଙ୍ଗଲରେ ଅନେକ ଚକ୍କର ଲଗାଇଥିଲା । ଏବଂ ଦିନ ପରେ ଦିନ ପିଲିଥିନରେ ଶରୀର ଅଂଶ ଭର୍ତ୍ତି କରି ଜଙ୍ଗଲରେ ଫୋପାଡ଼ି ଦେଉଥିଲା ।

ତେବେ ଏହା ପ୍ରଥମଥର ନୁହେଁ ଯେବେ ଡେକ୍ସଟରରୁ ପ୍ରଭାବିତ ହୋଇ ଅପରାଧୀ ଏପରି ଘଟଣା ଘଟାଇଛନ୍ତି । ଏହା ପୂର୍ବରୁ ମଧ୍ୟ ଏପ୍ରିଲ ୨୦୧୧ରେ କାନାଡାରେ ଜଣେ ପିଲ୍ମମେକର ମାର୍କ ଆଣ୍ଡ୍ରିୟୁଙ୍କୁ ୩୮ ବର୍ଷୀୟ ଜଣେ ବ୍ୟକ୍ତିଙ୍କ ଫାଷ୍ଟ ଡିଗ୍ରୀ ମର୍ଡରର ଦୋଷୀ ସାବ୍ୟସ୍ତ କରାଯାଇଥିଲା । ମାର୍କ ନିଜ ଭିକ୍ଟିମର ହତ୍ୟା ଏହି ଭଳି କରିଥିଲା ଏବଂ ତାର ଶରୀରର ଅଂଶଗୁଡ଼ିକୁ କେନାଲରେ ଫୋପାଡି ଦେଇଥିଲା । ମାର୍କର ଟ୍ରାଏଲରେ କୋର୍ଟ ନୋଟ୍ କରିଥିଲେ ଯେ ହତ୍ୟା ଘଟଣା ଡେକ୍ସଟର ମୋର୍ଗାନ ସହ ବହୁତ ସାମଞ୍ଜସ୍ୟ ଥିଲା । ଏହାପରେ ଅନେକ ମିଡିଆ ରିପୋର୍ଟରେ ତାଙ୍କୁ ଦ ଡେକ୍ସଟର କିଲର ମଧ୍ୟ କୁହାଯାଇଥିଲା ।

ସେହିପରି ୨୦୧୪ରେ ଡେକ୍ସଟରର ରୋଲରେ ଜଣେ ଆମେରିକୀୟ ଟିନଏଜର ପ୍ରେରିତ ହୋଇ କ୍ରାଇମ କରିଥିଲା । ବାଳକ ଜଣଙ୍କ ନିଜର ୧୭ ବର୍ଷୀୟ ଗାର୍ଲଫ୍ରେଣ୍ଡର ହତ୍ୟା ଏହିପରି ଭୟାନକ ପ୍ରକ୍ରିୟାରେ କରିଥିଲା । ଏହି ହତ୍ୟା ପାଇଁ ତାକୁ ୨୫ ବର୍ଷ ଜେଲଦଣ୍ଡ ହୋଇଥିଲା ।