ବିଶ୍ୱର ୧୦୦ ପ୍ରଭାବଶାଳୀ ମହିଳାଙ୍କ ମଧ୍ୟରେ ଓଡ଼ିଶା ଝିଅ

ଅନ୍ତର୍ଜାତୀୟ ସ୍ତରରେ ଓଡ଼ିଆ ଝିଅଙ୍କ କମାଲ । ବିବିସି ଦ୍ୱାରା ପ୍ରକାଶିତ ୧୦୦ ପ୍ରଭାବଶାଳୀ ମହିଳାଙ୍କ ମଧ୍ୟରେ ୭ ଭାରତୀୟ ସ୍ଥାନ ପାଇଛନ୍ତି । ସେମାନଙ୍କ ମଧ୍ୟରେ ରହିଛନ୍ତି ଓଡ଼ିଆ ଝିଅ ସୁସ୍ମିତା ମହାନ୍ତି । ଇସ୍ରୋ ବୈଜ୍ଞାନିକ ନିଳମଣୀ ମହାନ୍ତିଙ୍କ ଝିଅ ସୁସ୍ମିତା । ସେ ସ୍ପେସ୍ ୱିମେନ ଭାବେ ମଧ୍ୟ ବେଶ ଜଣାଶୁଣା । ୨୦୦୮ରେ ଦେଶରେ ପ୍ରଥମେ ସ୍ପେସ୍ ଷ୍ଟାର୍ଟ ଅପ ଆର୍ଥ ଟୁ ଅରବିଟ ଆରମ୍ଭ କରିଥିଲେ । ତାପରଠୁ ସୁସ୍ମିତା ସ୍ପେସ୍ ଏଣ୍ଟରପ୍ରେନର ଭାବରେ ଦେଶ ବାହାରେ  ପ୍ରତିଷ୍ଠା ଅର୍ଜନ କରିପାରିଛନ୍ତି । ସୁସ୍ମିତା ଜଳବାୟୁ ପରିବର୍ତ୍ତନ ଉପରେ ମଧ୍ୟ କାର୍ଯ୍ୟ କରୁଛନ୍ତି । ଭାରତର ନାସନାଲ ଇନଷ୍ଟିଚ୍ୟୁଟ ଅଫ୍ ଡିଜାଇନ ଓ ଫ୍ରାନ୍ସର ଅନ୍ତର୍ଜାତୀୟ ୟୁନିଭର୍ସିଟିରୁ ତାଲିମ ଗ୍ରହଣ କରିଛନ୍ତି । ସ୍ୱିଡେନରୁ ଏରୋସ୍ପେସ ଆର୍କିଟେକଚରରେ  ପି.ଏଚ.ଡି ହାସଲ କରିଛନ୍ତି  ସୁସ୍ମିତା । ବିବିସି ବିଶ୍ୱର ୧୦୦ ପ୍ରଭାବଶାଳୀ ମହିଳାଙ୍କୁ ନେଇ ଫ୍ୟୁଚର ଫିମେଲ ଏପିସୋଡ଼ ଆରମ୍ଭ କରିଛି । ଏଥିରେ ଏକ ମାତ୍ର ଓଡ଼ିଆ ଭାବରେ ସୁସ୍ମିତା ଏଣ୍ଟ୍ରି କରିଛନ୍ତି ।   

')}