ଭୁବନେଶ୍ବର: ହଟିଲା ଲିଙ୍ଗରାଜ ମନ୍ଦିର ସିଂହଦ୍ଵାରର ବହୁ ବର୍ଷ ପୁରୁଣା ମୁଖ୍ୟ କବାଟ। ଦୀର୍ଘଦିନ ଧରି ବିପଦଶଙ୍କୁଳ ଅବସ୍ଥାରେ ଥିଲା ଏହି କବାଟ। ସିଂହଦ୍ୱାରରେ ଲଗାଗଲା ଅସ୍ଥାୟୀ କବାଟ। ଭାରତୀୟ ପ୍ରତ୍ନତତ୍ତ୍ବ ବିଭାଗ ପକ୍ଷରୁ ଚାଲିଛି ମରାମତି କାର୍ଯ୍ୟ।
ଗତ ୯ ତାରିଖ ଠାରୁ ସିଂହଦ୍ଵାର ବନ୍ଦ ରହିଛି। ଉତ୍ତର ଦ୍ୱାର ଦେଇ ଭକ୍ତ କରୁଛନ୍ତି ମନ୍ଦିର ଭିତରକୁ ପ୍ରବେଶ। ଆସନ୍ତା ୧୫ ତାରିଖ ପର୍ଯ୍ୟନ୍ତ ବନ୍ଦ ରହିବ ସିଂହଦ୍ଵାର। ୧୬ ତାରିଖ ସୁଦ୍ଧା ମରାମତି କାର୍ଯ୍ୟ ଶେଷ କରି ନୂଆ କବାଟ ଲଗାଯିବାକୁ ରହିଛି ଲକ୍ଷ୍ୟ। 16ତାରିଖରେ ପଢ଼ୁଆଁ ଅଷ୍ଟମୀରେ ହେବ ପ୍ରଭୁ ଲିଙ୍ଗରାଜଙ୍କ ସ୍ୱତନ୍ତ୍ର ନୀତିକାନ୍ତି।
ବିପଦଶଙ୍କୁଳ କବାଟକୁ ହଟାଇବାକୁ ଦୀର୍ଘଦିନରୁ ହେଉଥିଲା ଦାବି। ବିଳମ୍ବରେ ହେଲେବି ASIର ପଦକ୍ଷେପକୁ ସେବାୟତ ଓ ଭକ୍ତ ସ୍ୱାଗତ କରିଛନ୍ତି ।
