ଅଭିଯୋଗ ପର୍ବ ବନ୍ଦ କରିବାକୁ ବର୍ଷା ଅନୁଭବଙ୍କୁ ନିର୍ଦ୍ଦେଶ, ଡିସେମ୍ବର ୨ରେ ପରବର୍ତ୍ତୀ ଶୁଣାଣି

କଟକ: ବର୍ଷା ଅନୁଭବଙ୍କ ପାରିବାରିକ ବିବାଦ ମାମଲା। ଉଭୟ ପରସ୍ପର ପ୍ରତି କୌଣସି ଆକ୍ଷେପ ନକରିବାକୁ ହାଇକୋର୍ଟଙ୍କ ନିର୍ଦ୍ଦେଶ।ପୂର୍ବରୁ ଯଦିଓ ଏନେଇ ହାଇକୋର୍ଟ ନିର୍ଦ୍ଦେଶ ଦେଇଥିଲେ ମାତ୍ର ପରବର୍ତ୍ତୀ ସମୟରେ ଉଭୟ ପରସ୍ପର ପ୍ରତି ପରୋକ୍ଷ ଭାବରେ ଆକ୍ଷେପ କରିଥିଲେ।ଏପରିକି ଉଭୟ ସୋସିଆଲ ମିଡିଆରେ ପରୋକ୍ଷ ଭାବରେ ଆକ୍ଷେପ କରିଥିଲେ।

ତେବେ ଏନେଇ ଜଷ୍ଟିସ କେ ଆର ମହାପାତ୍ରଙ୍କ ଖଣ୍ଡପୀଠ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି। ହାଇକୋର୍ଟ ଏନେଇ ପୂର୍ବରୁ ଯେଉଁ ଅନ୍ତରୀଣ ନିର୍ଦ୍ଦେଶନାମା ଜାରି କରିଥିଲେ ତାହା ବଳବତ୍ତର ରଖିବା ପାଇଁ ଆଜି କୋର୍ଟ ନିର୍ଦ୍ଦେଶ ଦେଇଛନ୍ତି। ଅର୍ଥାତ ଗତ ମେ ୨୭ ତାରିଖରେ ହାଇକୋର୍ଟ ଜାରି କରିଥିବା ନିର୍ଦ୍ଦେଶନାମାକୁ ପାଳନ କରିବାକୁ କୋର୍ଟ କହିଛନ୍ତି। ତେବେ ଡିସେମ୍ବର ୨ ତାରିଖରେ ମାମଲାର ପରବର୍ତ୍ତୀ ଶୁଣାଣୀ ପାଇଁ ଦିନ ଧାର୍ଯ୍ୟ କରିଛନ୍ତି କୋର୍ଟ।