ପୁଞ୍ଜି ନିବେଶ ପାଇଁ ଭାରତ ଠାରୁ ଭଲ ଜାଗା ନାହିଁ: ନିର୍ମଳା ସୀତାରମଣ

ବିଦେଶୀ ନିବେଶକଙ୍କୁ ଭାରତରେ ବ୍ୟବସାୟ କରିବାକୁ ଆହ୍ୱାନ ଦେଇଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ନିବେଶକମାନଙ୍କୁ ଉତ୍ସାହିତ କରିବାକୁ ସେ କହିଛନ୍ତି ଅର୍ଥ ନିବେଶ କରିବାକୁ ଭାରତଠୁ ଭଲ ଜାଗା ନାହିଁ । ସେ କହିଛନ୍ତି ଯେ, ଭାରତରେ ଲୋକତନ୍ତ୍ର ଉପରେ ବିଶ୍ୱାସ କରିବା ସହ ପୁଞ୍ଜିବାଦକୁ ମଧ୍ୟ ସମ୍ମାନ ଦିଆଯାଇଥାଏ । ଅନ୍ତଃରାଷ୍ଟ୍ରୀୟ ମୁଦ୍ରାପାଣ୍ଠି (ଆଇଏମଏଫ) ମୁଖ୍ୟାଳୟରେ ଆୟୋଜିତ ହୋଇଥିବା ଏକ ସଭାରେ ସୀତାରମଣ ସମସ୍ତ ନିବେଶକଙ୍କୁ ଏହା ଆଶ୍ୱାସନା ଦେଇଛନ୍ତି ଯେ, ସରକାର ଅର୍ଥନୀତିରେ ସୁଧାର ଆଣିବାରେ ନିରନ୍ତର ଚେଷ୍ଟା କରୁଛନ୍ତି । ସେ କହିଛନ୍ତି, ମାନ୍ଦାବସ୍ଥା ସତ୍ତ୍ୱେ ଏହା (ଭାରତ) ଆଜି ମଧ୍ୟ ସବୁଠୁ ଦ୍ରୁତ ଗତିରେ ଆଗକୁ ବଢୁଥିବା ଅର୍ଥବ୍ୟବସ୍ଥା ।

ନିବେଶକ କାହିଁକି ଭାରତରେ ପୁଞ୍ଜି ନିବେଶ କରିବେ, ଏହି ପ୍ରଶ୍ନରେ ସୀତାରମଣ କହିଛନ୍ତି ଯେ, ଭାରତରେ ଆଇନଗତ ମାମଲାରେ ଯଦିଓ ଟିକେ ବିଳମ୍ବ ହୋଇଥାଏ କିନ୍ତୁ ଭାରତ ଏକ ପାରଦର୍ଶୀ, ମୁକ୍ତ ଓ ସ୍ୱଚ୍ଛ ସମାଜ ଅଟେ । ସେ ଏହା ମଧ୍ୟ କହିଲେ ଯେ ଭାରତର ମନ୍ଥର ଆଇନ ବ୍ୟବସ୍ଥାରେ ସୁଧାର ପାଇଁ ଉଦ୍ୟମ ଚାଲିଛି। ')}