ହବିଷ୍ୟାଳୀ ସୁବିଧା ଯୋଗାଇ ଦେଉଛନ୍ତି ସରକାର, ସହି ପାରୁନାହାଁନ୍ତି ଅସହିଷ୍ଣୁ

ପୁରୀ: ହବିଷ୍ୟାଳୀ ଯୋଜନାରେ ବ୍ରତଧାରୀଙ୍କୁ ସମସ୍ତ ସୁବିଧା ଯୋଗାଇ ଦେଇଛନ୍ତି ରାଜ୍ୟ ସରକାର । ପୁରୀର 5 ଟି ଶିବିରରେ ରହୁଛନ୍ତି ୩ ହଜାରରୁ ଅଧିକ ବ୍ରତଧାରୀ । 10 ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଜନାର ଶୁଭାରମ୍ଭ କରିବା ସହ ହବିଷ୍ୟାଳୀ ମା’ ମାନଙ୍କ ପାଇଁ ସ୍ଥାୟୀ ହବିଷ୍ୟାଳୀ ଶିବିର ବୃନ୍ଦାବତୀ ନିବାସର ଶୁଭାରମ୍ଭ ମଧ୍ୟ କରିଥିଲେ । ଏହି ଅବସରରେ ଥଣ୍ଡା ପଡୁଥିବାରୁ ସେମାନଙ୍କୁ ଶାଲ ବଣ୍ଟନ ପାଇଁ ମଧ୍ୟ ପ୍ରତିଶୃତି ଦେଇଥିଲେ ।

ଶାଲ୍ ବଣ୍ଟନ ସମୟରେ ଜଣେ ହବିଷ୍ୟାଳୀ ମା’ ତାଙ୍କଦ୍ବାରା ଲିଖିତ ଏକ ଗୀତ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରସ୍ତୁତ କରିଥିଲେ । ଜିଲ୍ଲା ପ୍ରଶାସନର ଅନୁମତି ନେଇ ସେ ସେହି ଗୀତକୁ ଗାଇଥିଲେ । ହବିଷ୍ୟାଳୀ ଯୋଜନାରେ କ’ଣ ସବୁ ମୁଖ୍ୟମନ୍ତ୍ରୀ ବ୍ୟବସ୍ଥା କରିଛନ୍ତି ଗୀତ ମାଧ୍ୟମରେ ବର୍ଣ୍ଣନା କରିଥିଲେ ବ୍ରତଧାରୀ । ତେବେ ଏହାକୁ ନେଇ କିଛି ଅସହିଷ୍ଣୁ ଗୋଷ୍ଠୀ ବିଭିନ୍ନ ଅରୁଚିକର ମନ୍ତବ୍ୟ ଦେଇଛନ୍ତି । ଯାହାକୁ ତିବ୍ର ବିରୋଧ କରିଛି ବିଜେଡି ।